千海水產海鮮火鍋放題

Open Now

Now Closed

喺荃灣食咗個即撈海鮮火鍋放題店，火鍋店位於荃灣廣場B1樓，地方非常大，餐廳主打即撈海鮮任飲任食火鍋。自撈海鮮區有多個魚缸， 有海蝦、大頭蝦，蟹都有3-4種，多款貝類、鮑魚、東風螺、翡翠螺，仲有白鱔件，而且所有游水海鮮任撈任煮任食，不停補貨保持最新鮮狀態，揀選海鮮後可交店員清洗處理再煮食。除海鮮外自助區有多款火鍋配料選擇，亦有即食熟食、點心、甜品、飲品、 häagen-dazs雪糕、 Mövenpick雪糕全部任食。肉類有澳洲M5和牛、美國牛肩胛、澳洲羊肉片、美國豬梅片，M5和牛脂肪唔多肉味濃且有質感。川味燒鮮蠔、蒲燒鰻魚、燒羊鞍、芝麻雞翼、鵝肝多士、乳鴿皇、西京燒比目魚，全部都係必食項目。火鍋海鮮食材新鮮，食物選擇超級多，一個價錢有海量食物選擇，而且味道非常之好，鐘意食海鮮係好選擇，的確係食得非常滿分。