千海水產海鮮火鍋放題

Open Now

Now Closed

聞名已久座落九龍灣淘大花園，全港首間自撈海鮮火鍋放題，約咗朋友去食海鮮大餐，已開張一段時間，餐廳依然如新裝修一樣。最矚目當然係自撈海鮮區，有美國蜆、蕃薯蜆，基圍蝦、草蝦、大頭蝦，花螺、鮑魚，紅花蟹、藍花蟹、石蟹，全部都游水好新鮮，職員會不停不停地補貨保持最新鮮，確保任撈任煮任食。每樣海鮮都食齊，最鍾意食蟹，街市都幾十蚊隻，呢到任食真係好正，而且蟹都幾大隻，最後我食咗5隻真係好鮮甜。除咗主角生猛海鮮，牛肉係澳洲M5和牛及美國牛肩胛片，今日更有大元貝、生蠔在自助區任攞任煮，仲有台式丸餃類，及其他火鍋配料。前菜冷盆，熟食點心，甜品糖水，名牌雪糕，清酒梅酒飲品，全部可自助區自取。芝麻雞翼、紅燒乳鴿、川燒生蠔、燒羊架多款熟食可電話落單，全部即叫即做，絕不能錯過。