頂立

Open Now

Now Closed

原來一講紅橋，所有屯門人都知道邊度，朋友話紅橋有間食日式烏冬的湯底好正，一定要帶我去試下，中午時間過去剛好唔使等就有位，間舖好細得3張枱，唔使排隊真係好好運呀！店長知道我未嚟食過，好細心咁介紹有咩食，各式的材料，湯底製法，咖啡的各種不同做法等等，非常有耐心，十分抵讚！我哋決定點腐皮醬油燒海老烏冬、燒帆立貝烏冬、飲品點了冷萃咖啡和自家釀製Lemonade，最後仲叫埋甜品Tiramisu，大滿足！超級推介頂立的湯底，特別係海老湯，Base係用自家烹調鰹魚昆布湯，採用天然日曬鰹魚、風乾昆布、特選醬油和清酒烹調半天，而醬油蝦湯係用上蝦頭，全清酒熬製特濃蝦汁，配上鰹魚昆布湯帶出獨有的滋味，因為太好味的關係，連個湯都清光了。冷萃咖啡清爽得嚟不失醇厚；將自家釀製Lemonade入落鋁罐，儀式感即時提升，而且味道好清新順喉，夏天飲真心正。