Ocio オシオ (Closed)

同姊妹嚟到鑽石山睇戲睇完戲之後好想去食下甜品，終於俾我哋喺鑽石山廣場搵到一間日式甜品入邊嘅甜品仲有好多選擇有心太軟，窩夫，熱香餅選擇 每一款仲有好多味道添！ 而且Ocio 仲有好多餐點選擇有漢堡，沙律，all day Breakfast , 海鮮燴飯 等等食品， 種類都好豐富入到去餐廳就俾咗佢一個密瓜熱香餅吸引！ 有成半個蜜瓜加上新鮮製造嘅熱香餅，加上雲呢拿雪糕 ，好大個的超級甜品一樣！ 首先我第一次招牌熱香餅，熱香餅軟淋淋入口即溶， 加上旁邊嘅蜂蜜， 好有戀愛嘅感覺， 哈密瓜真係超大份量 而且好甜 ， 可以切開一粒粒蜜瓜果肉黎食好好味 ，星星蜜糖脆脆同雲呢拿雪糕好夾 ，好好味😋水牛城單骨雞翼醬汁非常之滿足而且夠晒刺激辣辣地又配合酸酸地再加埋脆卜卜嘅薯條薯條簡直令人食指大動而且份量都非常之咁多因為整咗變咗做單骨雞翼之後脆面嘅面積就增加咗所以脆卜卜非常之咁香口最後就係台灣鳳梨配窩夫餅窩夫餅總共有4塊咁多而且鳯梨嘅數目都非常之咁充足窩夫餅整得非常之咁香脆鬆軟再配合埋鳳梨嘅果香非常之咁夾而且台灣鳳梨嘅味道非常之咁香濃唔係嗰啲死實實嘅甜味