丸十寿司日本食堂 (Closed)

係超得意嘅蛋黃哥！(〃∀〃)知道呢間餐廳用蛋黃哥做主題，所以一早同定男朋友講，搵日放假一定要去食!!!!!我哋叫咗幾樣嘢食，雖然有啲貴，但每一樣食物都有蛋黃哥嘅圖案，實在太可愛，忍唔住叫晒ε٩(๑> ₃ <)۶з特選三色紫菜包，紫菜上有XO圖案，好特別啊！三色拼盤有三文魚籽，吞拿魚茸同海膽，最鍾意海膽，好新鮮一啲腥味都冇，而且食落好鮮甜！吞拿魚茸軟綿綿，魚油味好香，三文魚籽粒粒晶瑩剔透，帶點鹹鮮，建議係將紫菜包上呢3隻餡，不過我就覺得三文魚籽就有啲難包(灬ºωº灬)我哋叫咗兩款手卷，其中一款係xo大廚究極手卷，用料好豐富呀，手卷同樣有XO圖案，上面有可愛的蛋黃蛋玉子燒，仲有超多既三文魚籽，吞拿魚茸同海膽，非常鮮味，食到中間仲有大蝦刺身，真係幾有驚喜( ^ω^)另外一款係xo大廚加州手卷，有蟹子、牛油果、蟹柳同玉子，望落去賣相都唔錯㗎！( ～'ω')～我哋仲叫咗一個梳乎玉子燒便當，便當入面有兩件可愛的蛋黃哥玉子燒，味道甜甜地，仲有三件細細粒既波波壽司，係三文魚、吞拿魚同油甘魚，過吓口癮都唔錯，旁邊就係燒冬菇，都幾好味，免治雞肉串卷都唔錯，口感十足(๑ơ ₃ ơ)♥ 最後