山田本舖 (Closed)

啱啱送咗阿女去補習班，要個半鐘頭之後先至接佢放堂。百無聊賴😌，響太子附近逛一圈睇下有冇啲新嘅食肆或店舖。一路行，聞到一陣好香嘅蛋味🤤，似乎係焗麵包，行近啲睇，原來係台式古早味蛋糕店。之前熱爆見到呢啲古早味蛋糕店經常排長龍，令到我想試嘅意欲都冇🙄。而家啱啱冇人排隊，又記得同事話呢間“山田本舖”好食😍，就買一個試下啦🥰。見到個menu list，有勁多款口味。我覺得最基本嘅，就已經可以試到係咪有真功夫😏。於是買咗一個Q 版低糖原味蛋糕，只係三十蚊港紙，價錢十分相宜🤭。買嘅時候熱辣辣有陣陣嘅香味滲出☺️，一路行都好想食😂。拎到返屋企雖然已經涼咗，但係食落口感非常軟熟，好有蛋香味，三十蚊呢個價錢，冇得輸。食唔曬，放入雪櫃第二日拎出嚟食依然十分軟熟，正👍！其實我都好想試食吓鹹蛋肉鬆古早味蛋糕，下次一定要買嚟試下😋。