佛卡夏餅店 (Closed)

行過見啲蛋糕好靚又唔貴，突然就好想食蛋糕，順便滿足下小朋友吹蠟燭嘅欲望，一舉兩得。買左呢個芒果海綿蛋糕，細細個一家人食啱啱好。賣相都幾精緻吖，厚厚嘅芒果切片，上層有幾粒士多啤梨同藍莓，一粒龍珠果同兩個朱古力圈。內裏忌廉同蛋糕比例唔錯，蛋糕軟綿綿夠濕潤，似乎不是造定幾日嘅貨仔。中間都有芒果肉，芒果幾甜唔錯喎。個人鍾意呢啲傳統啲嘅生果蛋糕多過新興嘅立體蛋糕，立體啲係靚又多造型，但好睇唔好食呢。哈哈，小朋友唱左三次生日歌先比切，買個蛋糕返黎哄下佢開心咩都值得啦。