ITALIAN TOMATO (大埔超級城B區)

Open Now

Now Closed

頭先去Italian Tomato買蛋糕，見到佢買緊黃蛋捲。難忘嘅雞蛋一向都好好食，如果整蛋捲應該蛋味好香濃， $188有18條，即刻買嚟試吓。打開個盒個包裝好靚，個盒完美無瑕嘅顏色，食完之後仲可以儲返用嚟裝其他嘢，淨係打開個盒都有啲儀式咁，有張牛油紙包住咗有九個獨立嘅包裝。送禮自用都一流啊。每個獨立包裝嘅袋入邊有兩條，雖然攞咗都成個鐘頭嘅車，但係都冇斷過非常之完整，有個膠兜裝住好secure。咬落去當然就係鬆化啦，最好食就係個蛋味好香濃，完全同預期嘅係一樣，但係最驚喜嘅係當你吞完嗰個蛋捲嘅時候，個蛋味仍然縈繞喺個口中，久久不散，真係冇買錯啦！同埋個蛋捲唔係好粗唔係好幼，啱啱好，好容易食。如果唔想買咁大盒嘅話， $88都可以有八條，不過就單價貴少少。