Video
Read full review
2025-08-04
218 views
尖沙咀每逢週六日都人山人海，要搵間舒服嘅餐廳真係有啲難，突然間諗起食過嘅呢間日式餐廳，以前喺The One已經食過。價錢親民，日式卷蛋低至$18，蛋糕都係$30多一件，仲有意粉、蛋包飯等食物大人小朋友都啱食，食物比之前做得更好，而且環境好舒服，我覺得大家可以留意一下呢間餐廳環境：⭐️⭐️⭐️⭐️餐廳面積大，好多時都唔使等位，又唔會坐得迫迫篋篋，明亮舒服，裝修日系和洋風格，播住好舒服嘅音樂，就算BB車收喺枱旁邊，都仲有好多空間，絕對好適合親子聚餐食物：⭐️⭐️⭐️⭐️食物選擇非常之多，由輕食三文治，前菜沙律、大判燒，以至主食，意粉、壽喜燒、咖喱飯、蛋包飯、連丼飯都有。甜品就更加係佢哋拿手，忌廉蛋糕、疏乎厘、窩夫、雪糕。仲有小朋友最鍾意嘅兒童餐。選擇非常多，基本上食咗幾次都未食得晒成個Menu 😂🌟焦香芝士御好燒 $78溶咗嘅芝士好香，上枱一刻木魚絲仲喺度跳舞，加埋甜甜地嘅醬汁同埋椰菜絲，味道啱啱好，唔會太鹹仲好有咬口，小朋友好快就掃晒兒童餐B - 蝦天婦羅蛋包飯 $88炸蝦蛋包飯小朋友實鍾意，蛋皮色澤金黃，嫩滑之餘蛋味濃郁，裏面嘅飯已經有茄汁酸甜開胃，調味好適合小朋友👍🏻唔會太過濃，薄薄嘅天婦羅衣包裹住
環境：⭐️⭐️⭐️⭐️
餐廳面積大，好多時都唔使等位，又唔會坐得迫迫篋篋，明亮舒服，裝修日系和洋風格，播住好舒服嘅音樂，就算BB車收喺枱旁邊，都仲有好多空間，絕對好適合親子聚餐
食物：⭐️⭐️⭐️⭐️
食物選擇非常之多，由輕食三文治，前菜沙律、大判燒，以至主食，意粉、壽喜燒、咖喱飯、蛋包飯、連丼飯都有。甜品就更加係佢哋拿手，忌廉蛋糕、疏乎厘、窩夫、雪糕。仲有小朋友最鍾意嘅兒童餐。選擇非常多，基本上食咗幾次都未食得晒成個Menu 😂
🌟焦香芝士御好燒 $78
溶咗嘅芝士好香，上枱一刻木魚絲仲喺度跳舞，加埋甜甜地嘅醬汁同埋椰菜絲，味道啱啱好，唔會太鹹仲好有咬口，小朋友好快就掃晒
焦香芝士御好燒
$78
0 views
0 likes
0 comments
兒童餐B - 蝦天婦羅蛋包飯 $88
炸蝦蛋包飯小朋友實鍾意，蛋皮色澤金黃，嫩滑之餘蛋味濃郁，裏面嘅飯已經有茄汁酸甜開胃，調味好適合小朋友👍🏻唔會太過濃，薄薄嘅天婦羅衣包裹住炸蝦，非常吸引
兒童餐B - 蝦天婦羅蛋包飯
$88
0 views
0 likes
0 comments
🌟日式咖喱漢堡扒飯 套餐配飲品 $98
手打漢堡Juicy煎到香噴噴，再加埋洋蔥粒嘅香甜，加上充滿家庭味道嘅日式咖喱，香濃得來撈飯好好味，甜度啱啱好係一種百試不厭嘅咖喱
日式咖喱漢堡扒飯 (套餐)
$98
0 views
0 likes
0 comments
🌟吉列豬扒炒蛋三文治 配薯條 $68
同日本當地cafe食嘅一樣咁高水準👍🏻，賣相超級吸引，金黃色嘅軟滑嫩蛋，加上外脆又多汁嘅吉列豬扒，仲有特調蛋黃醬配上爽脆椰菜絲，最重要係個靈魂麵包夠晒鬆軟👍🏻，三重口感，係呢間店先食到咁好味嘅日式三文治👍🏻！
吉列豬扒炒蛋三文治配薯條
$68
49 views
0 likes
0 comments
是日精選蛋糕 (套餐價) $20
抹茶卷
蛋糕鬆軟有彈性，入口已經感受到抹茶嘅清香，裏面嘅忌廉軟滑，抹茶味濃，後勁微苦，唔會死甜，甜味非常平衡，作為午後下午茶嘅抹茶卷真係好適合。
抹茶卷
26 views
0 likes
0 comments
🌟梳乎厘班戟配抹茶雪糕 $118
梳乎厘班戟質感好軟綿，一入口好fluffy ，然後蛋香好突出，好似布甸咁滑，Pancake會配埋一球雪糕，一冷一熱，食完好滿足，讓人非常有幸福感
梳乎厘班戟配抹茶雪糕
$118
31 views
0 likes
0 comments
蜜桃梳打 (套餐改配) $20
炎熱嘅天氣，飲一杯梳打就最適合，冰冰涼涼唔會太甜，減低對身體負擔
荔枝梳打 $48
荔枝梳打比起蜜桃梳打清爽，但有少少花香味，可以慢慢飲，清爽舒服
荔枝梳打 & 蜜桃梳打
0 views
0 likes
0 comments
總結：⭐️⭐️⭐️⭐️
原來佢哋平日下午仲有tea set供應最平$58就食到！佢哋嘅蛋糕我都真心推介，下次一於生日蛋糕喺呢度訂。呢間日式Cafe除咗好適合家庭聚餐，亦都好適合大party聚會，餐廳空曠，地方又就腳，唔好俾太多人知，唔係我就少咗個飯堂㗎喇！
Post
