Beirut (Closed)

蘭桂芳除左飲酒之外，其實都好多野食，今次就同朋友去左呢度一間bar and restaurant試下特色中東菜🍆中東茄子醬（$78）將茄子煮熟之後去皮再打成蓉，入口好滑，味道稍酸而且有好重既孜然味，配埋烘到熱焫焫既彼德包一齊食，感覺好新鮮。🐐紐西蘭羊膝（$198）羊肉好嫩，煮得好入味而且冇騷味再襯上地中海特色醬，味道更加豐富。薯蓉亦整得好幼滑，夾埋羊肉一齊食好夾🐔9‘’一口雞薄餅($118)薄餅夠鬆軟，雞肉汁多肉嫩，同埋加咗泰式甜辣醬之後，甜辣味道好恰到好處，加上新鮮既牛油果，令人一口接一口，停唔到口。