Video
Read full review
2015-12-24
410 views
接近聖誕，便有就會有各種各樣嘅party同埋約會。今日有幸被心儀嘅佢提前約出來食聖誕大餐，非常期待又興奮。沿住荷里活道行，佢帶我入去呢一間上樓嘅 Chateau Aqua Oyster & Wine 餐廳。細心嘅佢一早已經訂咗位，所以店員直接帶我地去左一張木枱後，便遞上餐牌。我環顧四周，呢度地方好大好深，幾張大木長桌，又有一個好大好靚嘅金魚缸，酒吧櫃亦非常之盛大。足以見呢間既客源非常多。桌面上放左兩支礦泉水，分別為有氣同無氣两種。店員同我地講礦泉水可以隨便飲，並不另外收費。呢一點甘大方嘅做法令我非常欣賞。以為係昂貴食物後嘅優惠，點知睇完餐牌後又發覺所有食品既價錢相當合理。由於呢度出名食生蠔，所以我聽日頭盤先order 生蠔享用。店長推介呢度嘅法國生蠔，無論鍾意食海水味重、金屬味重、定係爽口裙邊嘅都能一一滿足。我地興奮地等待生蠔，話題都活潑起黎。生蠔終於到咗啦！(HK 298 / 6 pcs)法國蠔既特色係比較細長，肚仔比較結實，我特別鍾意食呢兩隻分別為 Ancelin and Divine ! Ancelin - 黑色嘅裙邊爽口無比 另外 Divine 無論海水味、金屬味都非常平衡！食
今日有幸被心儀嘅佢提前約出來食聖誕大餐，非常期待又興奮。
沿住荷里活道行，佢帶我入去呢一間上樓嘅 Chateau Aqua Oyster & Wine 餐廳。
細心嘅佢一早已經訂咗位，所以店員直接帶我地去左一張木枱後，便遞上餐牌。我環顧四周，呢度地方好大好深，幾張大木長桌，又有一個好大好靚嘅金魚缸，酒吧櫃亦非常之盛大。足以見呢間既客源非常多。
桌面上放左兩支礦泉水，分別為有氣同無氣两種。店員同我地講礦泉水可以隨便飲，並不另外收費。呢一點甘大方嘅做法令我非常欣賞。以為係昂貴食物後嘅優惠，點知睇完餐牌後又發覺所有食品既價錢相當合理。
由於呢度出名食生蠔，所以我聽日頭盤先order 生蠔享用。店長推介呢度嘅法國生蠔，無論鍾意食海水味重、金屬味重、定係爽口裙邊嘅都能一一滿足。我地興奮地等待生蠔，話題都活潑起黎。
生蠔終於到咗啦！(HK 298 / 6 pcs)
法國蠔既特色係比較細長，肚仔比較結實，我特別鍾意食呢兩隻分別為 Ancelin and Divine !Ancelin - 黑色嘅裙邊爽口無比
另外 Divine 無論海水味、金屬味都非常平衡！
食開海鮮先通常都係停唔到口，我哋叫咗一隻西班牙的大紅蝦 Spain Red Prawn (HK 336 / 2 pcs)
蝦身用蒜蓉輕輕煎過下，蝦頭嘅蝦膏塞滿成個空間，非常之香濃新鮮，拆開蝦頭，蝦膏香氣撲鼻，係成隻蟹嘅精華所在！慢慢吸取精華，久久不捨得吞下。托底用左牛油薯蓉，本身都做得非常出色，食到一點不漏。
食海鮮好多人怕麻煩同埋怕隻手污糟。我非常之欣賞呢度嘅服務，店員會趁你食完一隻生蠔或者大蝦後，重新遞上乾紙巾，即場用熱水滾開，令我哋可以有熱辣辣嘅濕紙巾抹手，甘細心既服務，令人感動，心情愉快！
接着我哋叫咗個西班牙豬扒，於是決定叫一支靚紅酒，一邊食一邊傾計，向店長詢問有什麼靚酒介紹，又唔好太貴既，佢向推介我地一支攞獎既紅酒。
店長對紅白酒好有認識，由於呢度嘅紅酒每支都是經過特別挑選，所以只要你講出你嘅要求，佢都能為你選出心水之選。呢支紅酒獨特之處係用一種好特別嘅葡萄酒釀製，所以酒味深厚、沉實，有內涵。酒精偏高少少，飲後感覺飄飄。
美酒配紅肉，一樂也！
呢支一支夾着特別的葡萄為原料，和攞奬高分數為銜頭，真係越飲越覺得滿意、順喉。
飲下飲下，西班牙豬扒上黎啦！
Grilled Spanish Pork Chop (HK 288)
大廚用咗兩大塊西班牙豬扒，才HK 288！非常之重料！大廚用咗薄荷制嘅醬汁，平衡返豬扒食多可能帶黎既油膩感。輕輕切開，肉汁非常柔嫩，肉紋比牛柳更細緻，多汁。大廚火候剛剛好，沒有全熟地浪費肉質既原味，好似食食緊BB豬肉咁。
最後叫左個椰子雪糕，好靚，係原隻椰子上。
Coconuts Sorbet (HK 48)
佢嘅椰子同奶味做得相當平衡，香滑，清甜而不溜。每一層用匙羹畢起來，都可以清楚見到層層雪糕嘅痕跡，好似雪花一樣，充滿愉快嘅聖誕氣氛。臨走嘅時候喺門口附近，見到有好多相貼左出嚟。相片上客人滿足同快樂既笑容，成功證明呢度嘅服務同食品都令人留下美好回憶，我相信好快會再黎多次！
Post
