Video
Read full review
2022-05-13
662 views
餐廳：Cielos (銅鑼灣)地址：銅鑼灣禮頓道19號地下Cielos，蘊含住意大利美食天堂嘅意思，而銅鑼灣禮頓道呢間 @cielos.asia 就將新派嘅意式烹調方法融入去傳統嘅意大利食物當中🇮🇹。除咗將芝士同松露加入唔同菜式🧀，做到出神入化之外，佢哋全新嘅裝修仲融合咗「藝術畫廊」嘅概念，牆上掛咗唔少抽象畫🎨，原來喺由其中一位鍾意畫畫嘅餐廳負責人Alberto親手創作，簡直就好似進入咗一個Art Museum去享受「Food Arts」咁😍。喺一個籠罩住濃厚意大利藝術氣息嘅氛圍底下，品嘗一道道新派意大利菜都咪話唔享受🥰大廚精於食同意大利菜嘅造詣，除咗每日限量手工製非常熱賣嘅水牛流心芝士(Homemade Burrata)，佢哋嘅Pasta、Pizza Dough都喺自家製，落足心機💕。最近仲加入咗意大利國寶級食材——黑松露喺佢哋嘅Fusion Menu入面，由湯、頭盤、主菜、甜品甚至飲品都可以見到佢嘅蹤影，仲要喺用米芝蓮星級廚師推介、全球No.1松露食材品牌Sabatino Tartufi，用料上乘夠晒講究🎖✝️Pomodoro $129用咗意大利水牛芝士(Mozzarella)配上意
地址：銅鑼灣禮頓道19號地下
Cielos，蘊含住意大利美食天堂嘅意思，而銅鑼灣禮頓道呢間 @cielos.asia 就將新派嘅意式烹調方法融入去傳統嘅意大利食物當中🇮🇹。除咗將芝士同松露加入唔同菜式🧀，做到出神入化之外，佢哋全新嘅裝修仲融合咗「藝術畫廊」嘅概念，牆上掛咗唔少抽象畫🎨，原來喺由其中一位鍾意畫畫嘅餐廳負責人Alberto親手創作，簡直就好似進入咗一個Art Museum去享受「Food Arts」咁😍。喺一個籠罩住濃厚意大利藝術氣息嘅氛圍底下，品嘗一道道新派意大利菜都咪話唔享受🥰
大廚精於食同意大利菜嘅造詣，除咗每日限量手工製非常熱賣嘅水牛流心芝士(Homemade Burrata)，佢哋嘅Pasta、Pizza Dough都喺自家製，落足心機💕。最近仲加入咗意大利國寶級食材——黑松露喺佢哋嘅Fusion Menu入面，由湯、頭盤、主菜、甜品甚至飲品都可以見到佢嘅蹤影，仲要喺用米芝蓮星級廚師推介、全球No.1松露食材品牌Sabatino Tartufi，用料上乘夠晒講究🎖
✝️Pomodoro $129
用咗意大利水牛芝士(Mozzarella)配上意式蕃茄🍅，加上羅勒青醬🌱，切開軟軟嘅鮮芝士有輕微水份流出，奶白色嘅芝士食落鮮香唔膩，連同鮮甜多汁、爽口嘅鮮蕃茄一齊食，開胃滋味😋
✝️4 Formaggi E Tartufo $208
呢個pizza嘅麵糰喺餐廳自家製，當中用咗小麥(wheat)、大豆(soya)同黑麥(rye)麵粉，生麵糰發酵咗72個鐘🫓，食落鬆軟，一啲都唔實，airy得嚟又帶有脆脆嘅口感真喺令人食唔停口，加上Parmesan、Mozzarella、blue cheese同scamorza四種混合芝士嘅配合🧀，連同黑松露同新鮮松露，食落一啲膩嘅感覺都無，呢個組合邊有得輸🤓？
✝️Gnocchi Ai Quattro Formaggi Con Tartufo Umbro $188
呢個芝士松露薯糰喺傳統嘅意大利主食，咬落煙韌Q彈，有啲似平時食嘅芋圓，不過就帶有薯仔香🥔，當中加咗迷迭香同混合芝士：
Fontina、Pecorino、Parmesan、Gorgonzola等材料整成嘅白汁，面頭再放上鮮松露片，芝士味道突出而香濃，creamy誘人😍，芝士控一定唔可以錯過
✝️Beef Tartare $188
呢個牛肉他他用咗新鮮嘅生免治牛肉去整🐂，食落口感有啲似吞拿魚蓉，輕輕食到牛肉嘅香味，配上黑醋同蛋黃漿，去除生肉嘅腥味仲豐富咗他他嘅口感層次，當然點少得帶有陣陣松露香嘅新鮮松露呢😙
✝️Scaloppine Di Vitello Al Tartufo $288
呢個香煎小牛扒所用嘅肉喺BB牛(接近4個月至1歲大)嘅牛肉薄片🐮，雖然牛肉香就唔出，而且食落無乜口感，
不過佢嘅軟嫩程度真喺我以往食過咁多牛扒入面最幼軟嘅，分分鐘接近免治牛肉咁，一啲嚡同韌嘅感覺都無，配埋牛肝菌同松露醬就更加惹味😝
✝️Panna Cotta Honey Truffle Sauce $98
第一次食意式奶凍喺配蜂蜜嚟食🍯，而仲要喺蜂蜜松露醬🤩，舀起滑溜嘅奶凍見到一絲絲蜂蜜同時被拉起嚟，相當吸引。雖然松露味就唔多食到，但估唔到蜂蜜同意式奶凍咁夾，鍾意食甜嘢人實鍾意❤️，奶凍嘅奶香好重🥛，我超鍾意🤪
飲品就試咗幾杯，除咗Signature cocktail Mint Cooler🥒同Espresso Martini🍸($88)之外，
仲有Sparkling Wine——Prosecco Brut Millesimato Doc🥂($70)，閒時喺咁chill咁relax嘅環境下飲返杯，都真喺幾抒壓享受😎Post
