麵屋日和

Open Now

Now Closed

今日去銅鑼灣行街，之前有見過人介紹呢一間麵舖，差啲搵唔到，果然好隱世！佢哋呢一間簡簡單單，主打三款湯底，仲有手搓面，係幾特別！專注於呢三個湯底，果然好用心！我自己叫咗香辣醬油拉麵，首先講吓湯底先，香辣味唔會超辣，味道濃郁，但湯底唔會係濃稠，我自己鍾意呢一款湯底！而佢哋嘅拉麵係自己整，煙煙韌韌唔錯！我自己呢一個特盛，有糖心蛋，炙燒豬腩片，要讚一讚佢嘅隻燒，有炙燒嘅香味！另外，可能未必有太多人講，我自己覺得佢嘅京蔥好香，喺碗拉麵入面都幾突出！另外叫咗個可樂餅，係偏甜嘅口味。