The Americano By Texas Burger (Closed)

其實識搵食就會知道其實好多工業大廈都有唔少美食，例如荔枝角億利工業中心就有一間休閒cafe－－The Americano ！知道佢喺天后有店，但係而家九龍區都有分店真係方便好多。The Americano 最出名就係漢堡，所以好快就決定好要點呢到既招牌漢堡－－Texas BBQ burger（$108）， 入面除左有塊6oz既安格斯牛肉漢堡之外，仲有炸洋蔥圈、煙肉、芝士、生菜同埋佢個秘制BBQ醬！個安格斯牛肉漢堡真係好正，都幾厚身，肉汁好豐富，好juicy，牛肉味又濃， 配埋洋蔥圈同煙肉，食落更加香脆可口， 特別中意個秘制sauce，甜甜酸酸咁，好開胃！個漢堡仲跟左個薯條同埋pickles，薯條略嫌乾身咗少少，入面唔夠軟綿，pickles就咁成條食亦都酸咗少少。