青口放題比較少見
朋友話想去挑戰下,可以食幾多青口😆
我就奉陪到底啦🤣
中環紅館RaRe 對正IFC,唔係紅磡嘅紅館呀~
藍青口放題 $298/位,可以任食兩小時,有三款口味可以揀,白酒、蕃茄同冬陰功。仲有麵包,可以蘸橄欖油同意大利陳醋,又或者點青口醬汁,都好食。
🍸白酒藍青口
有牛油香氣又有半溶化洋蔥絲,入口淡淡白酒。
🍅蕃茄藍青口
蕃茄味則清新,味道微酸甜。
🌶️冬陰功藍青口
冬陰功就每一啖都充滿泰式風情。我自己就鍾意冬陰功藍青口多D,好有層次感。
藍青口細細隻,新鮮肉嫩略帶海水味。每碟份量唔算多,大概十幾隻一碟,每次可以叫兩碟,食完兩碟就再嗌兩碟,兩碟又兩碟…. 輕易食咗超過十碟😂
環境舒服,服務貼心,不斷換碟,見你差唔多食完又主動走嚟問你要唔要,傾吓偈食吓,真係好滿足。





2

9





