Video
Read full review
2021-06-25
80 views
🍴白松露薯條其實薯條依家嘢，同牛扒一樣，靚嘅唔使搞咁多調味，鹽同黑椒就夠，又芝士又肉醬果啲整到薯條腍晒，你食埋我嗰份。老老實實，我係為咗任食薯條慕名而來，果然無令我失望，幼身香脆，乾身唔油膩，多人叫流轉得快，兜兜都新鮮熱辣，食咗三兜都唔覺油，本身仲想繼續食，但望到自己副身軀，真係慘不忍睹，都係算啦。🍴是日特別版招牌平鐵牛扒 HK$238餐廳主打平鐵部位，多年前睇YouTube第一次聽Jamie Oliver介紹過，佢形容為滄海遺珠，肉質極嫩，但因為有筋，加工麻煩，所以唔流行。四年前Top Blade Steak Lab開張，只賣平鐵牛扒，當時已經想試，但唔想排隊，所以一直無去。如今開咗分店，雖然都多人食，但唔使等好耐。平鐵牛扒夠嫩，而且不失肉味，正。特別版特別在乜呢，就係有五款唔同洋蔥伴碟，炒洋蔥軟腍甜美，洋蔥圈脆口，炸洋蔥香到爆，洋蔥蓉同沙律洋蔥酸爽清新，牛扒配搭唔同洋蔥一齊食，變化多端。🍴美國390日穀飼Prime級平鐵牛扒 HK$268Prime級質素有保證，比另一款更嫩口，肉味更濃，點少少鹽已經好好味。薯蓉牛油落得少，唔夠軟滑，但配埋醬汁食唔錯。🍴無酒mojito HK$48、
🍴白松露薯條
其實薯條依家嘢，同牛扒一樣，靚嘅唔使搞咁多調味，鹽同黑椒就夠，又芝士又肉醬果啲整到薯條腍晒，你食埋我嗰份。老老實實，我係為咗任食薯條慕名而來，果然無令我失望，幼身香脆，乾身唔油膩，多人叫流轉得快，兜兜都新鮮熱辣，食咗三兜都唔覺油，本身仲想繼續食，但望到自己副身軀，真係慘不忍睹，都係算啦。
🍴是日特別版招牌平鐵牛扒 HK$238
餐廳主打平鐵部位，多年前睇YouTube第一次聽Jamie Oliver介紹過，佢形容為滄海遺珠，肉質極嫩，但因為有筋，加工麻煩，所以唔流行。四年前Top Blade Steak Lab開張，只賣平鐵牛扒，當時已經想試，但唔想排隊，所以一直無去。如今開咗分店，雖然都多人食，但唔使等好耐。平鐵牛扒夠嫩，而且不失肉味，正。特別版特別在乜呢，就係有五款唔同洋蔥伴碟，炒洋蔥軟腍甜美，洋蔥圈脆口，炸洋蔥香到爆，洋蔥蓉同沙律洋蔥酸爽清新，牛扒配搭唔同洋蔥一齊食，變化多端。
🍴美國390日穀飼Prime級平鐵牛扒 HK$268
Prime級質素有保證，比另一款更嫩口，肉味更濃，點少少鹽已經好好味。薯蓉牛油落得少，唔夠軟滑，但配埋醬汁食唔錯。
🍴無酒mojito HK$48、dirty檸檬特飲 HK$45
無酒mojito適合鍾意飲佢陣味但酒量差嘅我，非常清新。檸檬特飲用烤過嘅檸檬，偏酸，焦糖味唔算突出。
📍Top Blade Steak Lab
沙田沙田正街18號新城市廣場1期1樓108號舖
Post
