濟州燒肉食堂

Open Now

Now Closed

今日凍左勁多，得果18度，lunch同同事去食D暖笠笠既野，曖下身子。三款前菜，好似有得免費添加，店員會主動問你要唔要加。🥢醃漬蘿蔔🥢辣辣地又清甜，仲好爽脆，當小食食都幾過口癮。🥢韓國泡菜🥢主要係甜味為主，酸同辣度提高返D就好🥢車厘茄🥢水煮過既車厘茄份外多汁。🥢薯仔排骨湯配白飯🥢 $78除左主要食材薯仔排骨外，配料有白菜，菜乾同埋蔥，薯仔溶哂落個湯底，令到個湯既口感粉粉地，更稠密香濃，仲帶少少辣，而排骨以骨為主，肉既部份比教少。白飯灑左少少紫菜同芝麻，整湯飯好食D。