Video
Read full review
2018-05-13
2290 views
一向都好喜歡銀杏館這系列，今次有機會就黎試一試呢一間越老。越老位於油麻地站同佐敦站既中間，一幢舊大廈既一樓，平日行過都未必會留意到。想不到上到一樓有一間咁靚既餐廳。餐廳以綠色及金色作主調，有復古既感覺。座位亦安排得闊落，枱與枱之間有足夠空間。進餐廳後一位伯伯出來熱情的招呼，坐下後很快便送上餐牌及水。真的不要少看這些長者，雖然頭髮都白了，但行動仍然很敏捷，點菜下單反應都很快。最欣賞的是佢地態度真的佷熱情親切。菜單選擇都不少，從小食、湯粉、撈檬、飯到主菜、飲品、甜品都一應俱全。最後選了:魚露炸雞翼雞翼炸得金黃，賣相不錯。不會炸得太乾，食落仲好有肉汁。雞翼醃得好入味，一盤4隻秒殺了。火車頭湯河料很足，有生牛肉片，牛丸，牛柏葉，牛筋，牛腩…每一款配料都食到牛既鮮味，朋友最喜歡牛丸，我就覺得牛腩煮得夠淋好正。湯頭比較清淡，個人認為可以濃味返啲。河粉都好爽滑。咖哩牛腩法包咖哩汁很香，有一點點辣，很惹味。切開法包，裏面有好多舊牛腩，唔怪得咖哩滿到瀉出黎。法包吸晒咖哩汁既味，好好味，如果個包再焗得脆身啲就好喇。唔好睇個包唔係好大，食完都好飽。班蘭葉粽甜品有三款，原本想食班蘭布甸，但被告知今日只有班蘭粽
越老位於油麻地站同佐敦站既中間，一幢舊大廈既一樓，平日行過都未必會留意到。想不到上到一樓有一間咁靚既餐廳。餐廳以綠色及金色作主調，有復古既感覺。座位亦安排得闊落，枱與枱之間有足夠空間。
進餐廳後一位伯伯出來熱情的招呼，坐下後很快便送上餐牌及水。真的不要少看這些長者，雖然頭髮都白了，但行動仍然很敏捷，點菜下單反應都很快。最欣賞的是佢地態度真的佷熱情親切。
菜單選擇都不少，從小食、湯粉、撈檬、飯到主菜、飲品、甜品都一應俱全。最後選了:
魚露炸雞翼
63 views
0 likes
0 comments
魚露炸雞翼
雞翼炸得金黃，賣相不錯。不會炸得太乾，食落仲好有肉汁。雞翼醃得好入味，一盤4隻秒殺了。
火車頭
48 views
0 likes
0 comments
火車頭湯河
料很足，有生牛肉片，牛丸，牛柏葉，牛筋，牛腩…每一款配料都食到牛既鮮味，朋友最喜歡牛丸，我就覺得牛腩煮得夠淋好正。湯頭比較清淡，個人認為可以濃味返啲。河粉都好爽滑。
咖哩牛腩法包
69 views
0 likes
0 comments
咖哩牛腩法包
咖哩汁很香，有一點點辣，很惹味。切開法包，裏面有好多舊牛腩，唔怪得咖哩滿到瀉出黎。法包吸晒咖哩汁既味，好好味，如果個包再焗得脆身啲就好喇。唔好睇個包唔係好大，食完都好飽。
班蘭粽
$8
91 views
0 likes
0 comments
班蘭葉粽
甜品有三款，原本想食班蘭布甸，但被告知今日只有班蘭粽，都好啦試一試。粽子即叫即蒸，等左大概15分鐘就有得食喇。連埋蒸籠上都幾得意。落左班蘭既緣故，成條粽都變左綠色，食落有淡淡既班蘭味，甜甜既粽幾得意。不過成條粽都係得班蘭味糯米，有啲單調，如果中間可以加啲椰蓉或者綠豆餡可能更好味。
滴滴咖啡
55 views
0 likes
0 comments
滴滴咖啡
最後仲叫左個滴滴咖啡作結
食左咁多野，埋單唔使三百，食物質素不錯，環境幾靚幾舒服，肯定會回頭的！
這裏的銀髮族待應服務一定不是最專業的，但態度殷勤有禮，不時有位婆婆為大家添水，已經好難得。整個用餐過程十分愉快。亦見到有些客人同待應有講有笑，這種人情味亦已經很少見。會繼續支持銀杏館這社企的～
PS用了訂位app訂位，主餐牌有九折優惠，沒想到帶位的待應都記得(攞位既時候冇提到係用app訂位的），遞上餐牌時清楚解釋優惠適用範圍，真係好多出面餐廳都未必做到呢點啊，加分。
Post
