榮式燒雞扒 (舊大街)

Open Now

Now Closed

午市成日排哂長龍，終於有機會一試出名既雞扒。除左馳名雞扒之外，聽聞蓮藕餅都好好食。叫左雞扒豬頸肉飯($51)，配餐飲。雞扒真心高水準，雞皮烤到脆，而且薄薄一塊。平時個人唔會食雞皮，但今次既雞皮望見唔似雞皮既外型，唔識容易，煎烤得已經同雞肉相連。雞肉肉嫩，雖然食唔出醃料既味道，但冇雪藏味。而豬頸肉見到有d烤網既紋路，雖然餐廳冇厚切豬頸肉，但每塊既size都大，同樣肉嫩，烤到椰菜，仲有d醃製菜，鍾意食既朋友，枱面上都有一樽，可以自己加添。飯上面淋左甜豉油，聽聞豉油都好出名，伴飯食一流。份量夠哂男仔食。整體，雞扒係出色，不過環境逼少少，預左要搭枱。