但好開心今日終於比我係市區都搵到一間，而且近我返工既土瓜灣
舖頭外面有濃厚既外國餐廳風格，有別於土瓜灣地道既餐廳，佢分開左右兩間舖頭，兩個唔同menu， 另一間主要輕食，沙律，toast等等。我食果間就有pizza, 意粉甚至鋸扒
佢下晝既menu相對簡單，除此之外就係牆上面既扒類，舖頭唔大，最多坐16人左右，牆上面掛外國擺設，亦吸引到外國人入黎幫襯
我地今次唔係嗌set, 係叫menu上既食物
焗薯皮
4件，厚厚既芝士有少少肉碎，好香，熱辣辣，食落口有好重既薯蓉味，好快就食哂成舊，但礙於要留肚，唔可以食多舊
墨汁配魷魚 自家制麵條（粗麵）
粗麵條真係要一讚，煙韌爽口，墨汁味道唔濃，有少少張左個口，加埋魷魚大大舊夠爽口，整個麵做得好出色，唯一不足既地方係太小麵條，試到少少就要停手
鮮蟹肉汁 自家制麵條（幼麵）
幼都食落去有啲似天使麵，淋身。相反呢個麵既份量算多，但因為加落濃蟹肉汁度，感覺就好似一餅麵咁痴埋一舊，食落口感覺普通，雖然都爽口，加埋蟹肉汁，碎芝士，乾身菜，味道尚算可以
燒烤汁雞翼
十隻，不可雙併水牛城味既雞翼，waiter哥哥話只係唔辣同辣既分別。但係十隻咁多同一款味又好似太多。雞翼放係一個鐵架上，下面放左石春，黎既時候仲有一個精緻紅色盤用黎放骨頭，賣相極好。而且雞翼比一層濃濃既醬包住，淨係進到都想食。食落口醬汁味道豐富，唔係得蜜糖味，反而覺得真係似水牛城雞翼走辣，而且雞肉入面都業得有味，整個食物除左賣相，質素都好好，如果放底既石春都係熱辣辣，幫忙座熱啲雞翼既話就無得彈
四季芝士薄餅
好香濃既芝士同番茄味道，而且肉碎份量剛好，最perfect係佢既薄，用刀切開後係要用扶住塊餅食，或者用义捲埋個餅放落口食，醬汁同肉碎就可以一口過食多啲。其實一個男士食哂一整個薄餅絕對無難道。
同waiter哥哥講想要芝士粉，佢話無粉，轉頭係廚房磨左啲一塊塊既芝士出黎，好香濃既芝士味，夾埋個薄餅一齊食，好濃既芝士香味，不愧為招牌薄餅
雖然落order到食物上枱要30分鐘左右，但十分鐘內上哂幾款野食，而且熱辣辣，食物質素亦非常好，最緊要賣相亦令人口水流。650蚊左右食到以上既午餐，性價比算高，讚
