Interval | Farmacy (數碼港商場) (Closed)

薄扶林美食推介篇🧚🏻‍♀️，今次想同大家分享嘅係Interval | Farmacy呢間意大利餐廳！炭烤乾式熟成烏頭💕烏頭都係大大條，一啲魚嘅腥味都冇，肉質好嫩滑，平時食魚都係就咁清蒸，估唔到炭烤嘅煮法係咁好食。手工柴火蒜蓉包💕哇，未食已經聞到好香嘅蒜蓉味，蒜蓉包口感好鬆軟，而且唔算好多油，每一啖都食到好香嘅蒜蓉味道！清酒醉蜆💕蜆肉肥美多汁，冇乜沙又唔腥，用左清酒酒煮，酒香味令到蜆肉更加鮮甜，好食呀！(限量供應)龍蝦濃汁意大利飯伴炭烤原隻龍蝦 💕雖然知道係原隻龍蝦，但係估唔到送到嚟都幾份量十足大大隻，龍蝦肉幾鮮甜同嫩，仲有意大利飯都係加咗龍蝦汁烹調，非常之濃郁，成個飯都充滿龍蝦嘅香味。