Express Bar by Lassana (宏利金融中心) (Closed)

睇咗食評好想買來同爸媽一齊食，呢張相好吸引👇爸媽都好喜歡食榴蓮，而我最鍾意重口味，蕉糖，榴蓮，芝士都係我最鍾意既口味，男朋友就喜歡清淡，更何況佢唔鍾意食榴蓮，但間舖喺佢公司附近，即刻叫佢去買來試下，星期五中午去到店員就話已經無貨要訂下星期一，訂就訂啦！滿心期待地等到星期一，攞到餅佢第一時間影畀我睇，感覺應該好迷你，我哋人少少剛剛好😋終於見到嗰餅啦！同想像一樣，4個人食剛剛好，芝士餅呢類食得多會覺得好漏，我哋當飯後甜品，一人一細件，爸媽都好鍾意，上面既蕉糖脆脆地，裡面好濃郁既芝士同榴蓮味，原來兩種味都好鴿，榴蓮令個餅有點帶苦澀扣咗分，如果能去除苦澀味就更好。