樓下冰室

Open Now

Now Closed

嚟到鰂魚涌，一出地鐵站，馬路對面就係呢間樓下冰室，冰室仿懷舊裝修, 白色底綠色窗框嘅經典配色十分搶眼，牆上壁畫展現舊式街市場景，很有舊香港風味。蕃茄濃湯同瑞士雞髀係呢度嘅招牌菜，今日揀呢個套餐$55 就可以試齊，不過我唔想食太多肉所以揀咗配瑞士雞翼(兩隻) 。蕃茄濃湯通粉，蕃茄湯質感濃稠，酸甜度平衡得宜。瑞士雞翼用上秘製瑞士醬汁，以頭抽加入八角、桂皮等香料淆製而成，味道夠曬濃。套餐配華田脆脆半價($12)，華田味相當濃厚， 甜度偏高，係令人滿足嘅味道，值得一試。