蕃茄濃湯專門店 (Closed)

宜家堂食仲有9折！.個蕃茄湯好濃好濃，唔係湯水type，係真材實料type，私心大推配滑蛋同埋螺絲粉，個蛋好滑好正！唔覺唔覺會似晒成個湯，配漢堡扒都唔錯，但拉麵就麻麻哋，好似淋左嘅米線，浪費左個湯..雞扒煎得好香好脆，有少少油，一個餐有4-5塊，份量好足；魚柳炸得幾好，外脆內軟，又係有4-5舊，成個餐叫埋飲品都係$50幾蚊，份量多，一定食得飽.上餐快，環境好舒服，如果開係我樓下，應該會狂食，個蕃茄湯真係不得了！