新彊蕃茄配上牛抗腩，未落配料前先飲湯，茄味好濃，一飲就知連茄膏都沒有，所以未落配料前都飲番兩碗湯先，茄香樸鼻，番茄好清甜，正呀！
呢款招牌頂級雪花牛頸脊，店長話是來自貴州的牛頸脊，雪花牛油脂分佈平均，肥瘦適中。
就咁灼4下咁上下，就食得，入口時肉味堅濃，肉質仲好彈牙，與新疆蕃茄濃湯超夾。
汕頭牛筋丸，一啖咬落去是爆汁，牛肉味很濃，那種彈牙的口感，吃得出是手打才能那麽的出色，真是一試就難以自拔。
新鮮鵝腸，入口好爽帶膏更添香，好好味。
日本黑豚肉，肉質軟滑又有肉味，薄身一口放入口中剛剛好，完全感受到肉質的嫩滑。
即叫即炸魚皮，脆到無得彈，就咁食或灼一灼同樣好味。
鮮竹笙經過蕃茄濃湯的洗禮，竹笙吸收晒湯底的精華，爽口又帶有番茄的香甜，好正呀!
鮮粉腸，灼一灼就食得，粉腸軟滑，超好味。
手打蝦滑，食得出是用新鮮海蝦打成的蝦滑，啖啖蝦肉用作打邊爐絕對是一流。
打邊爐絕對唔少得的大龍鳳可樂及巨無霸裝鹹檸七，冰涼透心，除了啤酒外，絕對是打邊爐的最佳拍擋。
椒鹽九肚魚，表面炸至金黃，好香口，內裏的軟香的九肚魚，非常的惹味。
