樓下冰室

Open Now

Now Closed

之前同朋友去過荃灣嘅「樓下冰室」 ，覺得佢嘅蕃茄湯底幾香濃，同男朋友去開太古城行街，就去「樓下冰室」食過返尋味啦！😌特色蕃茄濃湯通粉配牛乳炒蛋（$55）套餐仲可以選配一款小食，小妹我最鍾意食嫩滑嘅雞肉，所以梗係揀招牌瑞士雞髀啦！湯粉可以轉其他粉麵或飯，我就揀左螺絲粉，因為蕃茄湯可以鑽入螺絲粉嘅窿窿那那位，用黎配真材實料嘅蕃茄湯就一流！牛乳炒蛋幾香滑，瑞士雞髀都幾入味，味道層次感豐富，肉質嫩滑又juicy。☺跟餐仲可以半價配飲品一杯，紅豆冰有半杯都係紅豆，紅豆香甜軟腍，牛奶溝煉奶香滑，$12都幾抵飲呀！