都遲左少少到 所以去到都等左一陣位 大概5-10分鐘到啦～
我地兩個人
一個嗌左full day breakfast
揀左酸種多士 個多士似法包多啲 我覺得如果有橄欖油加黑醋蘸嚟食就perfect池啦
其他野食都唔錯 個酸菜都好好食😋
個素蟹餅就細粒左啲😂
隻大啡菇就十分之juicy~
一個嗌左份西冷 落單果陣都會問你份西冷要幾成熟 我地叫左medium~
望落似7成熟 食落就比較韌啲 食落就似10成熟啦😂
不過啲沙律同薯格都好食ge😗 以1xx頭價錢黎講有扒食仲有杯野飲都算唔錯ge🙂
每人一杯野飲 叫左一杯冷泡蜜桃蘋果綠茶 同一杯冷泡熱情果烏龍茶
佢個餐牌寫到明話無落糖 啲甜味係嚟自啲生果嘅甜味 飲落去都幾清甜下 都唔錯 值得試下
不過兩杯味道有啲似 都分唔清邊杯打邊杯😂
果陣經openrice訂座埋單有8折呀
總括嚟講啲菜係新鮮嘅 嘢食都唔錯 不過就未必會encore啦
