The Joomak (Closed)

旅行返嚟大傷元氣當然要補一補！嚟個「人蔘春雞湯底 $295」再加埋「2人用韓牛拼盤 $498」，補足體力精神又要再返工戰鬥TT。雖然坐唔到海景位，但離遠都望得幾清，最緊要係海邊無咩霧，有個靚夜景送飯人都開胃啲。呢度嘅人蔘春雞湯底係用西班形無激素走地雞，自然健康，仲有大大條人蔘，雖然話係春雞，但份量唔細，隻雞裡裡外外仲包咗糯米同配料，有補氣活血功效！咁足料嘅湯底我就建議先食咁隻雞同放咁啲蔬果豆腐魚滑類落去煮咗先，如果咁快食肥牛，成個煲都係油就無咁健康。輪到韓牛拼盤出場，每種材料份量足夠二人用，加埋湯底本身嘅配料，其實細食啲三個人都夠。韓牛係1++韓牛，最頂級嗰隻，自家製泡菜墨魚滑、雪耳、冰菜、羽衣甘藍、栗米、南瓜、豆結同五蔬豬肉腸。收得你咁多俾足料你，算有誠意。材料亦都幾新鮮。