麻辣香鍋

Open Now

Now Closed

旺角砵蘭街成日都有新餐廳，今次就揀咗間川菜小店 - 麻辣香鍋。餐廳負責人身兼大廚，有逾廿年炮製川菜經驗，所有菜式既調味料都係自家製，咁有誠意，一於試下先！餐廳環境寬敞，冷氣充足，坐得舒適！金湯酸菜魚揀咗BB辣，辣度岩岩好，湯頭味美鮮香，魚肉細膩嫩滑，配以咸香有咬口既酸菜、雜菇、萵苣，仲有煙韌又彈牙既薯粉，又酸又麻，夠哂惹味開胃！辣子雞川菜中既經典名菜，必試之選！雞件酥脆而嫩，表皮香辣，外焦內嫩，咬開鮮嫩又入味，味道爽辣鮮鹹，好過瘾～蓮藕仔炒牛肉醬香四溢，蓮藕爽脆好嫩口，牛肉肉質嫩滑，佐飯一流。叫埋杯凍檸茶，解膩又解辣。