Video
Read full review
2015-09-19
5407 views
本身話食九層塔，點知變左做蒸邊爐。是但啦一班同事去邊到食飯都冇所謂，最緊要圍埋一齊開開 心心食餐飯。聽講衣間野係好多名星夾份開，我地ＢＯＯＫ左位，準時上到去見到大枱都滿座，不過仲有Ｄ細枱空左，我地咁多人就ＢＯＯＫ左大枱啦，上到去已經埋緊單執緊枱，但係我地都等左十幾分鐘先有得坐，見佢地執枱都執得幾慢，酒樓個Ｄ先係速度。等緊個時我已經睇準左Ｄ位要避開風口位，因為我企係到等個時覺得吹到正。企企下有同事發現左有名星！一男一女，吾同枱，不過我對本地＂名星＂完全冇興趣。望住佢地抹枱會有點不安，抹完張枱都吾會好乾淨嫁啦，不過當Ｄ野放曬係張枱到個時就吾會太留意到嫁啦，同埋咁先襯番衣Ｄ地方，我說服左自己。終於有得坐，餓死人，不過餓住黎食你係一定會後悔，因為蒸邊爐重點就係一個字──等。大中華係有糖水甜品部，一坐低就有人會ＳＥＬＬ你野飲，我地叫左椰青，要即刻比錢找數，因為佢係第二個部門，ＷＯ～椰青好飲，冇睇幾錢，Ｄ肉都好食，不過個膠匙……軟到咁，一啪就斷都吾知點食。用筷子吉好曬佢之後慢慢食。睇番張單先知原來醬油費13人=$260,每人$20元，咁又比人收一份錢，貴過飲茶ＧＥ茶位。大枝嘉士佰X5=$100分黎
本身話食九層塔，點知變左做蒸邊爐。是但啦一班同事去邊到食飯都冇所謂，最緊要圍埋一齊開開 心心食餐飯。
聽講衣間野係好多名星夾份開，我地ＢＯＯＫ左位，準時上到去見到大枱都滿座，
不過仲有Ｄ細枱空左，我地咁多人就ＢＯＯＫ左大枱啦，上到去已經埋緊單執緊枱，
但係我地都等左十幾分鐘先有得坐，見佢地執枱都執得幾慢，酒樓個Ｄ先係速度。
等緊個時我已經睇準左Ｄ位要避開風口位，因為我企係到等個時覺得吹到正。
企企下有同事發現左有名星！一男一女，吾同枱，不過我對本地＂名星＂完全冇興趣。
望住佢地抹枱會有點不安，抹完張枱都吾會好乾淨嫁啦，
不過當Ｄ野放曬係張枱到個時就吾會太留意到嫁啦，同埋咁先襯番衣Ｄ地方，我說服左自己。
終於有得坐，餓死人，不過餓住黎食你係一定會後悔，因為蒸邊爐重點就係一個字──等。大中華係有糖水甜品部，一坐低就有人會ＳＥＬＬ你野飲，我地叫左椰青，要即刻比錢找數，
因為佢係第二個部門，ＷＯ～
椰青好飲，冇睇幾錢，Ｄ肉都好食，不過個膠匙……軟到咁，一啪就斷都吾知點食。用筷子吉好曬佢之後慢慢食。
睇番張單先知原來醬油費13人=$260,每人$20元，咁又比人收一份錢，貴過飲茶ＧＥ茶位。
大枝嘉士佰X5=$100分黎飲。好搞笑，賣啤酒ＧＥ姐姐著住嘉士佰綠色衫問我地飲咩牌子，
我地同事話［你著住嘉士佰衫ＷＯ，吾係賣嘉士佰啤酒咩？］嘉士佰係好飲ＧＥ。
美國安格斯牛肉(大)，超超超超超好味！！！平時食打邊爐同韓燒係吾會食到”蒸肉”ＧＥ味，打邊爐係直接放落水到，食個時係有湯味，但肉本身個味係會比Ｄ湯煮走左，其實吾會好鮮；而韓燒就係一食就一陣熱氣味，好香口，但都吾會做到＂蒸＂個種＂一放入口，Ｄ汁就飛出黎＂的感覺，即使你係燒得吾係好熟，入口都要咬先會有汁。
我第一次食蒸肉Ｄ肉係完全冇落調味料等等，純肉片，冇特別期待感。
但一開蓋就覺得個樣好特別，因為無論係打邊爐定韓燒都好，肉一熟左拎起都係乾身收左水，但蒸係完全充滿水份，一黎係倒汗水，二黎係佢Ｄ肉汁仲係塊肉到。
未食，放埋口已經聞到香味，一放入口，真係好多汁……未食過咁多汁ＧＥ肉。
係食得出佢Ｄ汁係原汁原味，咬落都好林，就算吾小心蒸耐左其實都吾會好老身，相反，你燒耐左定煲耐左，佢就即刻老比你睇。
日本黑豚肉$108，超超超超超超超超好味！！！個人鐘意食豬多過牛，所以我覺得今次都係豬香Ｄ好味Ｄ。講係，真係全部同事都覺得衣到Ｄ肉係真係正！我咁細食都可以食得落成底呀！！
花甲2份,每份$90，超好味！！！好鮮好鮮！！脆肉鯇魚腩$58，我會食分體左ＧＥ魚，我冇食到。
鑽石蜆$90，比較大隻，所以……我冇食到。
中蝦半斤2份,每份$160，要ＭＥＥＴ殼好煩，大蝦一夾走左個頭就好多綠色野，好驚……幾經辛苦整走佢Ｄ內臟之後就要處理個殼……
花枝片$48，幾爽口彈呀！好味呀！開頭驚佢會太熟會＂ＵＮ＂不過好彩吾會！
手打鮮蝦丸$68，手打鮮墨滑$68，爽口，甜海鮮味～好味！有手打ＧＥ口感，正！四寶丸拼盤$58，食吾出邊粒打邊粒，用黎醫肚幾好ＧＥ，不過我覺得係到食Ｄ咁普通ＧＥ丸係非常之吾抵。
黑松露鮮墨丸$68，係要自己分一舊舊去蒸，幾好玩。食落都係好爽口好爽口～
餃子拼盤2盤,每盤$88，有好多種冰鮮餃係入面，餓起上黎就真係好都好味。我最愛佢ＧＥ蝦雲吞。仲有其他餃，不過我分吾到……用黎醫肚岩嫁啦。
什菌拼盤$38，吾岩我食，冇食到。
甜栗米$28，好好味呀，我最鐘意食平野。玉米我地同Ｄ丸一齊蒸，放係邊邊位，大約兩三輪之後就食得，好香好甜呀！！佢切開細細舊都可以比好多人分～ＮＩＣＥ！
加拿大桶蠔3份,每份$118，應該真係太太太太太好味Ｄ同事先會叫完又叫，真係好大隻，生咁上黎有Ｄ想生食哈哈。就算蒸熟左都吾會縮曬水，仲有大大隻ＧＥ ＳＨＡＰＥ係到，不過口感同味道由於我冇親自食過所以講吾出，不過Ｄ同事食得好滋味，覺得都抵食，生個時睇落都好新鮮。
珊瑚蚌$88，桂花蚌$88。其實我分吾到邊樣打邊樣，我對蚌其實冇咩興趣，不過同事夾到埋黎味食，覺得個口感都幾好，我已經ＵＰ吾出係咩口感不過我吾抗拒的話感覺就係客觀ＧＥ好味。印像中橙色個個蚌係好有海鮮ＧＥ鮮味，我覺得幾好味。
粥底$88，勁勁勁勁勁勁好味，本身已經知個粥係吸收曬Ｄ海鮮精華，但始終冇親口食過，食過先真係知有幾好味！！！不過我有Ｄ驚太熱氣，老火粥……有同事第二日覺得喉嚨痛。ＢＯ緊個時我地好驚會痴底，每人一枝筷子穿著個板Ｄ孔孔，一齊比少少力就可以拎得起，然後其中一個攪下Ｄ粥。不過ＳＯ ＦＡＲ冇痴底，我地蒸到後半個時Ｄ粥會沸起飛上黎，所以我地先驚會不會痴底。
菜好似係吾洗加錢.有樣吾係幾開心ＧＥ係冇得食甜品，佢ＧＥ甜品部係收１１點……我地十點先黎食，佢就不停叫我地落甜品，但我地都未飽，岩岩先開爐就問，邊有心情叫。到我地食飽飽佢就收檔……但甜品店，竟然收１１……暈。
ＳＯ ＦＡＲ都推介你地黎食ＧＥ。
Post
