Video
Read full review
2017-11-28
302 views
係跑馬地打完波，行過依間老式酒樓，見到竟然有蒸氣火鍋，又好肚餓，一於就入去試下。依間酒樓主要整嘅係好出名嘅順德菜，係老細嘅極力推薦之下，我地試左下鳳肝金錢雞。依個菜都幾有特色，有兩塊方包，入面夾住一片肥豬肉，雞肝，同埋叉燒，雖然好似好肥膩，但聽到都覺得香！d包已經索左少少油，一啖咬落去，每一層都有佢獨特嘅口感，好開胃好滿足！跟住落嚟就係今晚嘅主角，個海鮮塔啦！依個海鮮塔包括龍蝦，帶子，聖子，龍躉片，同埋蜆，份量都幾足。一如既往，檯面上個蒸爐都有個計時器，按順序將想食嘅嘢擺落去，設定時間就得。依間店做得比較窩心嘅地方就係將隻龍蝦切左件，食果陣方便好多。d龍蝦啱擺落個蒸爐嘅時候仲識郁，證明真係好生猛啊～依度嘅龍躉片都特別大份，鋪滿成個爐咁滯，應該係幾乎成條魚俾曬我地，仲有我最鍾意食嘅吊鐘！最後我地仲嗌左杞子桂花糕做甜品，可以講係非常滿足嘅一餐～
依間酒樓主要整嘅係好出名嘅順德菜，係老細嘅極力推薦之下，我地試左下鳳肝金錢雞。依個菜都幾有特色，有兩塊方包，入面夾住一片肥豬肉，雞肝，同埋叉燒，雖然好似好肥膩，但聽到都覺得香！d包已經索左少少油，一啖咬落去，每一層都有佢獨特嘅口感，好開胃好滿足！
跟住落嚟就係今晚嘅主角，個海鮮塔啦！依個海鮮塔包括龍蝦，帶子，聖子，龍躉片，同埋蜆，份量都幾足。
一如既往，檯面上個蒸爐都有個計時器，按順序將想食嘅嘢擺落去，設定時間就得。
依間店做得比較窩心嘅地方就係將隻龍蝦切左件，食果陣方便好多。d龍蝦啱擺落個蒸爐嘅時候仲識郁，證明真係好生猛啊～
依度嘅龍躉片都特別大份，鋪滿成個爐咁滯，應該係幾乎成條魚俾曬我地，仲有我最鍾意食嘅吊鐘！
最後我地仲嗌左杞子桂花糕做甜品，可以講係非常滿足嘅一餐～
Post
