Mad for Garlic (Closed)

今日去開大角咀，就去奧海城揀左呢間食tea。係奧運站出口連接商場個邊，都幾易搵。入到去俾梳化位坐，坐得幾舒服。特別在有好多酒放左係度，成個酒牆咁。Tea menu 由下午三點半開始，選擇都唔少。揀左個蒜香白酒海鮮湯意粉，蒜頭蕃茄白酒汁炒八爪魚同埋蒜頭香蕉朱古力醬薄餅配自家製雲呢嗱雪糕。個八爪魚應該算係前菜，個蕃茄汁係辣辣地幾開胃，除左八爪魚仔仲有蜆，當然唔少得勁多蒜頭片，好好食！個海鮮湯意粉都係辣辣地，入面有幾款海鮮，魷魚蝦蜆同八爪魚。意粉唔會太淋有咬口。跟住點少得甜品，應該係幾出名個餅底好脆，雖然有啲乾蒜頭但係其實夾埋朱古力醬同雪糕，唔係幾食得出個蒜頭味，所以一啲都唔覺得個味奇怪個其實望落唔多但其實好飽。幾值得推介！主餐牌有好多其他野食，下次應該會再黎去試下其他。