越旺美食 (Closed)

放假先嚟落雨☔️，本來諗住去踏單車🚴改為去閨密屋企煲劇😆，係佢屋企附近食晚飯；小店員工親切有禮，安排我哋坐梳化位，都幾舒服。🥥椰青$38椰青好大個，清甜夠冰凍🧊，啱晒炎炎夏日飲～🔥咖喱炒蜆$75及🫓印度薄餅$18因為我哋兩個想食咖哩，又想食炒蜆，所以點咖喱炒蜆😆，炒蜆好惹味；薄餅酥脆，用嚟沾香濃嘅咖喱汁，真係好滋味。🥢蒜蓉焗大頭蝦（1隻）$170呢個大頭蝦真係要讚，都幾大隻，蝦身肉質彈牙，蝦頭膏則好甘香😋。🐓越香雞（半隻）$128雞肉嫩滑，沾薑蔥或泰式辣醬，都好味。🥬蒜蓉炒椰菜苗$59以蒜蓉🧄炒椰菜苗，口感帶爽脆，簡單健康。