港式日式韓式
今次就搵間特別啲既！蒙式！
入到黎原來有2層
環境都好闊落舒適
好！叫野食先！呢度係可以wechat落單
都算幾方便
.
話說蒙式火鍋我地兩個係第一次食
我地都唔知點入手
咁就每個種類食少少啦
.
見個湯底要等佢滾
所以叫幾款小食串燒頂住先
.
薄皮韮菜盒
韮菜好多
加埋粉絲同好薄既外皮
味道唔錯
.
1
蒙式烤串
羊肉串既肉好入味
同埋一啲都唔韌
孓然勁勁勁香但係一啲都唔辣
食完好想食多兩串
鐘意食串燒記得叫
值得一食(22$一大串)
.
蒙式小羊排
一開始唔知有咁多件羊
其實幾抵食
小羊排既脂肪比例幾好
食落去啲油同肉汁好香
係香料比較辣
如果好怕辣既朋友要注意
.
終於講到火鍋啦！
由於我地怕辣
所以我地叫左光陰鍋
佢係由多款藥材整成既
味道偏濃,食吸湯既材料好正🤤🤤
.
火鍋既配料我地揀幾款比較特別既介紹啦
塔拉上的快樂卷
個名好得意所以決定點佢
（同埋快樂小羊梗係食羊啦
）128$咁大碟又切到好靚
切得好薄一放湯就食得
入口唔膻
.
快樂丸滑拼盤
佢有三種丸兩種滑
分別係鮮蝦丸,墨魚丸同黑松露羊肉丸
頭兩款都比較常見
黑松露羊肉丸就比想像中有驚喜
因為入面都有孓然但兩樣咁強烈既香料加埋又唔會搶大家風頭
而兩款滑分別係墨魚滑同黑松露羊肉滑
味道大至差唔多,要睇下你鐘意口感結實(前者)定係彈牙(後者)
.
鬼馬墨魚滑
油炸鬼配上蟹籽同墨魚滑
彈牙得黎脆脆地
記得唔好浸咁耐
浸幾秒好拎上黎
.
功夫冬瓜
切到超薄片
吸湯一流
建議唔煮太耐保留少少口感
.
其他蔬菜就唔逐一介紹啦
但係抵讚既係佢地可以叫半份
咁就可以食多幾款唔同既！
整體黎講食物既質素都唔錯
份量都夠（好多樣都係叫半份已經ok)
