韓國餐室 (恆景商場) (Moved) New Location

都幫襯左依間野幾耐，佢地出餐真係好快，最快5分鐘已經攞到手。最鍾意就係佢地嘅招牌飯卷，睇落去唔多，但係之前試過淨係食飯卷，其實食完一條都幾飽，同埋本身飯都有調味，唔使再點醬汁都夠味，有火腿、紅蘿蔔、菠菜唔同材料係入面，d料比得幾多，食落去口感幾豐富。粉絲就有d油，牛肉都幾嫩嘅，食落好香口，本身粉絲都夠味，但係加埋辣醬味道就唔同d，辣辣地更加開胃，有d椰菜係粉絲入面食落去脆脆地，又中和到油膩感，份量足味道唔錯。甜酸雞就係酸酸甜甜，咬開有肉汁，唔會好乾，好食！三樣嘢加埋149，食到好飽，夠抵食。