強記小食

呢一間《強記小食》係葵芳
存在左肯定都有10年以上
因為細細個係葵青區讀書
放學返屋企前
都會同一班同學拮返一串魚旦先走
今日再經過食
係非常之有童年回憶！

黎到唔使講野
一定係整返一串陳皮魚旦！
一串唔夠 食完再整強一串！

魚旦

我比較鍾意食辣味的。
魚旦一咬呢外皮煙煙韌韌
幾有咬口！
食落有一種微微的甜味
跟著就到辛辣的味道出場
非常醒神 又唔會太辣 搞到冇晒味覺

魚旦咬開之後
仲有一浸陳皮的香！
陳皮魚旦 本身唔太常見
烹調到咁出色的更加買少見少！
正！