夏麵館 (活@KCC) (Closed)

爸爸話生日飯不一定要食貴野，所以今年簡單D去左夏麵館食上海野☺️我地一心諗住工廈商場不會太多人，所以無專登book 枱，但原來上到去都幾多人，可能全層有幾間食肆，人流自然旺D！環境光猛整潔，但冷氣比較凍，我地原本坐右邊位，但對正風口位，所以調左坐門口位置點餐紙前後兩頁，分類得非常清晰，有涼菜、湯麵、點心、湯羹、小菜、蔬菜、飯等等，價錢合理，擇好就交俾員工！涼菜五小碟涼菜拼盤可以自選配料，我地擇左燻蛋、雞絲粉皮、糖醋小排、豆角、鎮江水晶肉，各款都非常出色！熱爆燻魚好經典的涼菜小食，外層炸過好酥脆，但不會乾爭爭，沾上甜甜地的醬汁更好食！蟹粉小籠包(4隻)即叫即蒸，熱辣辣！內裡豬肉好嫩，食小籠包一定要慢慢咬個小洞飲湯汁，飲到有微微的鮮味！炸饅頭好多時出面食的炸饅頭外皮較硬，但呢度的炸饅頭出奇地口感鬆軟！魚香茄子雖然有少少油膩，但撈飯一流！食到人地都準備關門