Video
Read full review
2005-03-19
15 views
葵涌廣場3樓-紅樹林餐廳....極差(3月16日)lunch一行8人去o左葵涌廣場3樓-紅樹林餐廳食飯,其實我都去過一次,覺得都唔錯, 所以今日再去試下。但係激到一肚氣, 條氣仲頂住頂住.... 一個極無責任感o既黑衫男仔員工我地一早已經book o左位,去到門口,等o左成2-3分鐘都無人出o黎帶位,我都知繁忙時間,個到d員工會好忙,o甘咪等o下o羅!其間有個黑衫男仔(應該係比較高級o既員工)見到我地都唔出o黎招呼o下又或者叫我地等o下,佢仲望o下望o下, 完全無意思出o黎帶位, 跟住佢先望到另一位黑衫女仔員工行緊出o黎, 佢就轉身行o左去…….個人感覺: 我明白每個員工有佢自己崗位, 不過當一個員工唔係自己崗位而眼見有客人需要協助, 係咪可以坐視不理、詐看不見?? 你係客人都唔想被o甘樣對待啦! 華麗高貴環境o既背後……終於有個女仔帶位, 因為我地比較多人, 都知道位置安排可能唔係太好。一路行入餐廳, 嘩! 唔知以為在o左後欄食飯, 我地去o左一間餐廳最入大概300尺o既房, 入面有3行約25個位。雖然間房有少許佈置, 但係同出面華麗高貴環境完全相反, 而且係正廚房隔離, 一身油煙味
(3月16日)lunch一行8人去o左葵涌廣場3樓-紅樹林餐廳食飯,其實我都去過一次,覺得都唔錯, 所以今日再去試下。
但係激到一肚氣, 條氣仲頂住頂住....
[谷氣一] 一個極無責任感o既黑衫男仔員工
我地一早已經book o左位,去到門口,等o左成2-3分鐘都無人出o黎帶位,我都知繁忙時間,個到d員工會好忙,o甘咪等o下o羅!其間有個黑衫男仔(應該係比較高級o既員工)見到我地都唔出o黎招呼o下又或者叫我地等o下,佢仲望o下望o下, 完全無意思出o黎帶位, 跟住佢先望到另一位黑衫女仔員工行緊出o黎, 佢就轉身行o左去…….
個人感覺: 我明白每個員工有佢自己崗位, 不過當一個員工唔係自己崗位而眼見有客人需要協助, 係咪可以坐視不理、詐看不見?? 你係客人都唔想被o甘樣對待啦!
[谷氣二] 華麗高貴環境o既背後……
終於有個女仔帶位, 因為我地比較多人, 都知道位置安排可能唔係太好。一路行入餐廳, 嘩! 唔知以為在o左後欄食飯, 我地去o左一間餐廳最入大概300尺o既房, 入面有3行約25個位。雖然間房有少許佈置, 但係同出面華麗高貴環境完全相反, 而且係正廚房隔離, 一身油煙味!
個人感覺: 雖然環境唔太好, 算吧! 一個鐘頭o既食飯時間, 都唔理個環境好唔好啦! 但係焗到一身油煙味, 攪到成件衫好臭!
[谷氣三] 坐低、落單、叫野食..….
各人坐低o左就即該叫住個小姐落單先, 因為位置偏僻, 怕佢走o左唔知等幾耐先有人o黎落單。我地連餐飲都叫埋, 因為上次食lunch d餐飲好耐先到, 所以今次一早order先。雖然係第一張落單, 但係個位小姐比其他客人捉住繼續落單, 其間無其他員工協助, 基本上我地第一時間order同最尾一張無分別。落完單成間房之大概再等o左5分鐘, 餐湯、餐包&飲品都到齊。
首先講o下個[餐湯] : 一般, 無期望過好味, 不過我個人覺得好似甜o左d……
再品評o下個[餐包] : sorry! 我無食過, 因為個餐包係涷o既………
最後睇o下杯[飲品] : 我叫o左熱檸茶, 杯茶入面有兩片好薄o既檸檬, d茶表面好似有層油o甘!
個人感覺: 其實個位幫我地落單waitress被其他客人拉住一齊落埋order都係迫不得已, 但係明知有一大班客人陸續入坐, 都其他員工都無協助佢, 佢都好慘!
至於餐湯、餐包&飲品跟本不值一提, 無論賣相&質素, 有好多茶餐廳好過佢好多…..
[谷氣四] 過o左20分鐘………..
由1點正到o左餐廳門口, 1點1個字坐低、落單，跟住各位同事飲完個湯、食完個包, 已經1點5個字, 只係到o左2個餐(一個意粉&一個沙津), 仲有6個餐未到, 但眼見其他幾乎上哂食物, 點解我地第一張order食物都未齊?! 唔通我地d野食要特別烹調?! 咪又係同其他客人一樣order lunch set…..
已經三返四次催促waiter, 都係個句:「就到o架喇!」、「幫係跟o下」, 極度敷衍………
睇見負責個男仔將我地其他同事叫o既食物比o左落單較我地後o既客人先, 我都不禁要即刻出聲問個男仔:「係咪我地o架! (我指傳菜男仔手上o既食物) , 我地等o左好耐喎! 」佢大大聲o甘答返我:「咪幫你跟緊o羅!」
個人感覺: 嘩! 佢d態度衰到無影! 其他員工就敷衍你兩句。喂! 我係客人o黎o架! 仲要我”掂$$買難受”?! 無野呀!
[谷氣五] 忍唔住要發火………
等o左成半個鐘o甘耐, 其餘6個餐都未到, 成個lunch 一肚火! 都未論到素來火爆o既我, 已經有兩個本來平日無乜火o既同事彈出起身, 出去嗢人埋論! 此刻我地只想埋單走人, 就算食物到o左都唔會食得落。
兩個同事與在場房外員工一番爭論要求立即埋單，之後有數個員工入o左o黎望o下我地張有d咩, 我地其餘仲坐係到o既6個人決定只要pay食o左個2個lunch set, 但張bill遲遲唔比我地, 仲話d食物好快到, 擺明拖延時間! 我地擺低$79.2 (兩個已食$36餐再加一服務費) 係面, 拉隊走人。
係房門口見到一個黑衫女仔員工仲同我同事理論, 我就問o左邊個係經理, 佢話佢係!
最後我只聽到一句好細聲o既:「唔好意思」……………….
一行8人, 就算有得食個2個同事, 都一肚火&黑口黑面步出此餐廳!!!!
我地打工仔得一個鐘食lunch, 其實對食咩都無乜要求, 但求嗢間衛生&有效率o既地方食個便飯。起初覺得依間餐廳無論環境&食物都ok先會再去o姐!點知今日被個d 員工傲慢、敷衍&極度差o既態度對待, 試問邊個鐘意o甘o既sevice呢?! 本人感到極度失望, 已經同o左其他同事提及此事!
我本人絕對唔會再去食幫襯依間位於葵涌廣場3樓-紅樹林餐廳!!!
甚至其他分店!!!
除非你想一肚氣&”掂$$買難受”!!!
請告知身邊朋友吧!
Post