Video
Read full review
2023-09-10
231 views
早前好開心可在打風前夕喺中環♥ Casa Lisboa葡萄牙餐廳 ♥享受到一餐正宗傳統葡萄牙菜。 呢間餐廳屹立中環超過14年，為咗帶來「真正葡萄牙人味道」特別由葡籍主廚來港坐鎮掌廚！大廚在烹調上較少用太重調味料，突出新鮮食材原味道及菜式口感，充滿地中海風情。今次就揀咗多款招牌葡萄牙菜式：3款前菜、2款主菜及2款甜品，服務員有禮，食物美味，大滿足！適逢餐廳14週年，仲可免費獲贈招牌Red Sangria果酒添！ 【前菜】►炸馬介休球 $35/件 x 2馬介休(風乾鹽醃鱈魚)乃葡國菜代表，馬鈴薯內有一絲絲鹹香嘅馬介休魚肉，配上自家製嘅蒜蓉蛋黃醬，清新開胃。►白酒蒜蓉香草炒蜆 $148蜆肉飽滿，配上大蒜、白酒、牛油、檸檬汁及芫荽，肉嫩香濃～►Piri Piri辣汁蒜蓉橄欖油燒鵪鶉 $180葡萄牙經典菜式，今次特別改用法國鵪鶉代替雞，肉質鮮嫩，味道好濃郁。【主菜】►葡式烤乳豬 $390 餐廳招牌菜式，嚴選兩個月大乳豬，特以古法醃製，烤焗至皮脆肉嫩。配飯加入乳豬肝同葡式辣腸，食前微壓鮮橙汁，入口脆嫩而不膩。 ►招牌焗鴨飯 $290這葡萄牙北部傳統菜式，飯米鴨香樸鼻，手撕鴨肉舖在珍珠米層中，面
♥ Casa Lisboa葡萄牙餐廳 ♥
享受到一餐正宗傳統葡萄牙菜。
呢間餐廳屹立中環超過14年，
為咗帶來「真正葡萄牙人味道」
特別由葡籍主廚來港坐鎮掌廚！
大廚在烹調上較少用太重調味料，
突出新鮮食材原味道及菜式口感，
充滿地中海風情。
今次就揀咗多款招牌葡萄牙菜式：
3款前菜、2款主菜及2款甜品，
服務員有禮，食物美味，大滿足！
適逢餐廳14週年，仲可免費獲贈
招牌Red Sangria果酒添！
【前菜】
►炸馬介休球 $35/件 x 2
馬介休(風乾鹽醃鱈魚)乃葡國菜代表，
馬鈴薯內有一絲絲鹹香嘅馬介休魚肉，
配上自家製嘅蒜蓉蛋黃醬，清新開胃。
►白酒蒜蓉香草炒蜆 $148
蜆肉飽滿，配上大蒜、白酒、牛油、
檸檬汁及芫荽，肉嫩香濃～
►Piri Piri辣汁蒜蓉橄欖油燒鵪鶉 $180
葡萄牙經典菜式，今次特別改用法國
鵪鶉代替雞，肉質鮮嫩，味道好濃郁。
【主菜】
►葡式烤乳豬 $390
餐廳招牌菜式，嚴選兩個月大乳豬，
特以古法醃製，烤焗至皮脆肉嫩。
配飯加入乳豬肝同葡式辣腸，
食前微壓鮮橙汁，入口脆嫩而不膩。
►招牌焗鴨飯 $290
這葡萄牙北部傳統菜式，飯米鴨香樸鼻，
手撕鴨肉舖在珍珠米層中，面層金黃色，
微脆香口。入口油香可口，色香味俱全。
【甜品】
►芒果芝士蛋糕 $90
芝士蛋糕口感紮實、柔滑，
表層淋上芒果、熱情果汁，
清新酸甜，份量啱啱好～
►菠蘿片包雲呢嗱雪糕 $88
好得意嘅甜品，賣相好似魚仔，
以透薄菠蘿片包住雲呢嗱雪糕，
先酸甜後冰感，一個字「爽」！
Other Info. :
為慶祝Casa Lisboa 14週年，今個9月，晚市堂食顧客可免費品嚐餐廳招牌Red Sangria果酒一杯～
(The above review is the personal opinion of a user which does not represent OpenRice's point of view.)
Post
