大喜屋 (Closed)

今晚一行三人去銅鑼灣黃金廣場“大喜屋”晚餐聚聚,到樓下已經大排長龍，原來都係食大喜屋,同朋友們傾傾講講，大約係等左20分鐘左右就入座，就入得準備開餐。另我十分欣賞既係佢地安排入座同上菜速度可以用“神速”嚟形容,效率高之餘服務態度又保持到,俾佢十個👍。餐紙好清楚不同類型食品會吾同顏色好方便，之後就同朋友開始點完一疊就比待應。食物方面…嘩!剌身真係冇得輸,唔係行貨堅好食,特別覺得劍魚腩，油甘魚鮮甜又新鮮，刺身質素係覺得食3轉已經賺凸嗰種,(最後我仲食左2轉添😂)。炸物方面必食炸榴槤,外脆內軟D，榴槤超足料又夠香，令我諗起喺吉隆坡夜市嘅炸榴槤，記得一定要試!!依個真係不得了。甜品方面都吾少選擇，有雪糕，雪條同甜品...雪糕又真係要讚下佢，竟然重本比milk top/最新限定口味的haagen-dazs。同人地比D牛奶公司真係先知咩叫大方，當然食完十分滿足。飲品方面都吾少選擇，朋友就飲道地，而我就飲下啤酒傾下計，大約食左2小時超飽肚離開。總結係好得又抵食！我要請客食飯大喜屋係選擇範圍,最緊要唔貴又多選擇😗。