Video
Read full review
2010-02-16
38 views
今日年初二,本應食餐開開心心既飯,點知食到一肚火!!今日由澳門回歸,老媽子執左少少諗住請食飯食返餐好點知就出事!!10點落船到喜臨門問佢收未,個高瘦部長(黑服)話未,話12點先收,補問一句咁夜會唔會百無,佢話唔駛擔心,乜都有!!仲話過左九點有特價時段,好多「送」都好平肚餓關係一坐底十零分鐘即決定左搵一件四眼高瘦部長落左原隻貴妃雞同燒腩仔之後見十分鐘後未到就叫另一個伙計落埋安格斯牛柳粒同菠菜呢兩樣一叫就真係唔駛十分鐘就到,而且亦十分唔錯,但係燒腩就要過多幾個字先到,不過依然好食,途中見其他檯都有叫貴妃雞,阿媽仲好期待話見到都想食點知三個「送」都就黎食完,成11點都未見隻雞到莫非仲係農場唔識返屋企?即刻捉住其中伙計詢問之後食食食,到大約11點半,終於有人肯覆,話隻雞無晒,可唔可轉其他,本來都無咁火點知轉其他「送」,佢都係頭擰擰,仲自爆話燒味廚房11點已經收左工!!你好野!!夠彊11點半先覆我??問佢係咪其實落漏單,仲死口唔認!仲辨駁話賣晒!!攪到好似酒席上完頭盤直接上生果咁!!條友仲贈慶問使唔使送個生果盤畀你.....咪喇....一陣你話唔夠西瓜我咪等到第二朝早?即刻埋單走人,咦?乜得三個
今日年初二,本應食餐開開心心既飯,點知食到一肚火!!
今日由澳門回歸,老媽子執左少少諗住請食飯食返餐好
點知就出事!!10點落船到喜臨門問佢收未,個高瘦部長(黑服)話未,
話12點先收,補問一句咁夜會唔會百無,佢話唔駛擔心,乜都有!!
仲話過左九點有特價時段,好多「送」都好平
肚餓關係一坐底十零分鐘即決定左搵一件四眼高瘦部長落左原隻貴妃雞同燒腩仔
之後見十分鐘後未到就叫另一個伙計落埋安格斯牛柳粒同菠菜
呢兩樣一叫就真係唔駛十分鐘就到,而且亦十分唔錯,
但係燒腩就要過多幾個字先到,不過依然好食,
途中見其他檯都有叫貴妃雞,阿媽仲好期待話見到都想食
點知三個「送」都就黎食完,成11點都未見隻雞到
莫非仲係農場唔識返屋企?即刻捉住其中伙計詢問
之後食食食,到大約11點半,終於有人肯覆,
話隻雞無晒,可唔可轉其他,本來都無咁火
點知轉其他「送」,佢都係頭擰擰,
仲自爆話燒味廚房11點已經收左工!!
你好野!!夠彊11點半先覆我??
問佢係咪其實落漏單,仲死口唔認!仲辨駁話賣晒!!
攪到好似酒席上完頭盤直接上生果咁!!
條友仲贈慶問使唔使送個生果盤畀你.....
咪喇....一陣你話唔夠西瓜我咪等到第二朝早?
即刻埋單走人,咦?乜得三個送成二百幾蚊埋單既?
check真d,「所有」「送」都係晚飯價,同佢個張宵夜餐單相比每個貴幾十蚊!!
問返個伙計,先死死地氣去check返個價,最後雖然追得返,仲送左張下個月先得食既燒豬券
但難得新年咁好氣氛真係比佢一野打沉!!
Post
