萬芳冰室 (建德街) (Moved) New Location

年幾前佢啱啱開張食過一次，覺得貴啲之餘又感覺唔到值响邊度就一直無再理會呢間野，直到近排有周刊竟然話佢嘅炸雞髀係必食，仲同埋三多乸埋一齊講，又見咁耐冇嚟過，就嚟做下水魚先。呢間咁嘅粉條嘢竟然要排隊，等咗兩三個字之後卒之入到去，嗌咗個炸脾麵，隻炸脾無疑係炸得好香脆嘅，啲肉亦都好嫩滑兼夾夠曬入味，不過呢個價錢黎講就未必會經常番兜喇，再加上店員都唔多耐煩，落單全程唔志在咁，無謂貼錢受氣丫。另外啲冷氣真係好貴喎，差唔多食完佢先捨得開番大少少。