今次找了間高級餐廳跟她慶祝 - 鐵人旨花！這裡地方也敞大的，還有獨立房間，而我們卻選擇了坐在bar枱，因可看著師傅整個烹調過程，好興奮喔！
看看餐牌，原來這裡除了鐵板燒外，還可以選omaska，不過我們今次是為了鐵板燒而來，最後還是選了鐵板燒 - 伊勢海老鐵板燒
手作前菜
先來沙律作為醒胃菜式,未吃前已感到沙律極之冰凍,未吃已覺得爽! 沙律的車厘茄/火箭菜/羅馬生菜,配上麻醬,真係爽甜得來,又酸酸的很開胃!
除了沙律,前菜還有火炙帶子配三文魚子! 帶子火脊過很香口,配上生律醬吃又是另一種前菜的風味,正! 而且帶子面滿佈三文魚子,真係要一口過食先正!
汁煮銀鱈魚
終於到廚師出馬做鐵板燒啦! 第一度就係汁煮銀鱈魚,其實本來是煮石班的,不過是日石班沒有來貨,所以轉了一樣好食的銀鱈魚! 吃鐵板銀鱈魚,我最期待吃燒得香脆的魚皮,不過坐在廚師面前望著魚皮燒得香脆,又是另一番風味!
銀鱈魚汁煮後,很嫩滑,洋蔥汁很惹味,而廚師在碟邊灑了點黑椒,可以沾來吃,更加香!
海膽汁煮龍蝦
終於到今晚的main course了! 龍蝦上台了,好大隻啊! 廚師已經把龍蝦開了邊來燒,遠遠望到龍蝦很多肉呢,見到廚師很熟絡地,用兩隻鐵板把龍蝦拆肉再燒,真係好手勢
食鐵板就係要睇廚師表演! 
除了龍蝦正外,醬汁更不得了!廚師拆左龍蝦頭的蝦膏,配上海膽一齊煮醬,香味非常濃郁,連龍蝦肉一同食,除了食到一粒粒的海膽肉外,更加令龍蝦的味更加rich,真係無得彈!
熊本縣產A5和牛王
食完好正的龍蝦後,又到第二道main course了! 這次到鐵板燒A5和牛! Wo…A5啊,見到塊和牛很厚肉地,雪花紋非常靚,油脂分佈prefect!
廚問我們想食幾成熟,當然想到沒想便話5成啦,因為和牛5成熟先可以食到最香的肉味! 
上碟的時候,廚師已經幫我們切好一片片,擺碟精緻! 不過更特別的是配和牛的醬汁,原來除了配岩鹽外,還有黑醋汁及wasabi,可以配和牛一齊食,真係3種味道,好豐富呢! 夾起厚切的和牛,表面香脆,裡面還是很鮮嫩的粉紅色,真係未食已經流口水!3種醬汁當中,配黑醋汁我覺得最好食,酸酸甜甜,令肉味更香!
其實和牛的配菜一樣咁好食,除了有燒露筍外,還有燒磨菇! 燒過的磨菇有陣特別的香氣,是特不同的,味道可以中和和牛的肥膩感,令整體口感更加balance!
和牛炒飯
Yeah…食過兩道main course,終於都到食炒飯啦! 鐵板炒飯,係食鐵板燒一定要點! 廚師表演,即席炒飯,真係聞落都香!而且今次係和牛炒飯,和牛的油脂分佈每粒飯上,配上蛋一齊炒,令到個飯特別香!
清酒煮蜆
最後食的清酒煮蜆,做法非常特別!以往食日本餐廳,通常清酒煮蜆都係鍋上,但這裡是鐵板燒的!
哦…點燒? 原來廚師用錫紙整左個兜,先倒sake入去點火燒著,然後再放蜆入去一同煮! 好有趣的煮法啊! 而且今次的清酒煮蜆是每人一碟的,比較似西湯的做法,所以清酒可以當湯飲,配上肥美的蜆肉! 面頭配上一片薄荷葉,令個味更清香…yummy!甜品
食過飽飽的一餐,終於到甜品時間了! 始終鐵板燒比較濃味,所以甜品如果是凍盤就正啦! 果然店員話有2款給我們選擇,我點了柚子雪糕,裡有粒粒的柚子肉,好清新! 朋友仔叫左杏仁奶凍, 話杏仁味好濃,奶凍很滑,一樣咁正!
朋友仔話多謝我, 請了她食了餐很豐盛又豪華的生日飯,話到我生日請返我食好野
唔知到時食咩呢?好期待啊!
