Video
Read full review
2023-07-14
85 views
餐廳擁有華麗嘅門面，一入去就見到調酒吧，最頂有鳥類擺設隨著冷氣而飛翔。之後隨住職員嘅帶領下，去到另一個似懷舊歌舞廳嘅範圍，可惜嘅係冇海景睇，不過嘢食味道可以抵消。嘢食有好多種，點心、單點炒飯麵、湯品，仲有打邊爐，食材用料上乘😋♥️∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 花圖2人晚餐套餐૪ 湯-爵士湯用石獅造型嘅器皿「石敢當」裝住鮮艷橙紅色嘅湯，呢個湯將蜜瓜、花膠、螺片同香濃龍蝦湯一齊燉，花膠、螺片大大塊，每啖都飲到其鮮味同蜜瓜嘅甜味，濃郁鮮甜😌૪ 頭盤-脆皮和牛配香橙柚子醬外層脆皮可口，和牛口感唔韌軟腍，仲有陣陣胡椒、肉桂香甜味，配合酸甜香橙柚子醬，中和到炸物本身嘅油膩感☺️૪ 主菜-流沙黃金銀雪魚外層炸粉炸到好酥脆，入面嘅魚肉又嫩又多汁，啲汁又唔會影響到外層嘅口感，而且炸粉同魚肉冇分離，加上邪惡嘅咸蛋黃醬，就連唔食魚嘅朋友仔都清碟👍🏻૪ 蔬菜-濃湯瑤柱花膠浸菜苗花膠份量多，切成厚身一絲絲鋪喺頂層，仲灑咗啲瑤柱絲菜苗翠綠冇渣，吸晒湯嘅精華，味道鮮😊૪主食-龍蝦膏海膽炒飯打開蓋就見到吸睛橙紅色海膽擺放喺最中間，而海膽之下，就係炒到粒粒都俾
嘢食有好多種，點心、單點炒飯麵、湯品，仲有打邊爐，食材用料上乘😋♥️
∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
❥ 花圖2人晚餐套餐
૪ 湯-爵士湯
用石獅造型嘅器皿「石敢當」裝住鮮艷橙紅色嘅湯，呢個湯將蜜瓜、花膠、螺片同香濃龍蝦湯一齊燉，花膠、螺片大大塊，每啖都飲到其鮮味同蜜瓜嘅甜味，濃郁鮮甜😌
૪ 頭盤-脆皮和牛配香橙柚子醬
外層脆皮可口，和牛口感唔韌軟腍，仲有陣陣胡椒、肉桂香甜味，配合酸甜香橙柚子醬，中和到炸物本身嘅油膩感☺️
૪ 主菜-流沙黃金銀雪魚
外層炸粉炸到好酥脆，入面嘅魚肉又嫩又多汁，啲汁又唔會影響到外層嘅口感，而且炸粉同魚肉冇分離，加上邪惡嘅咸蛋黃醬，就連唔食魚嘅朋友仔都清碟👍🏻
૪ 蔬菜-濃湯瑤柱花膠浸菜苗
花膠份量多，切成厚身一絲絲鋪喺頂層，仲灑咗啲瑤柱絲
菜苗翠綠冇渣，吸晒湯嘅精華，味道鮮😊
૪主食-龍蝦膏海膽炒飯
打開蓋就見到吸睛橙紅色海膽擺放喺最中間，而海膽之下，就係炒到粒粒都俾醬汁包裹住又分明嘅炒飯，當中見到有蛋、菜同龍蝦籽等配料一齊炒，味道唔鹹，口感炒到乾身，仲有卜卜脆嘅龍蝦籽，而且份量多，滿滿一人一碗😆
૪ 甜品-黃金香橙卷
小編同朋友仔諗住食蜜瓜甘露，可惜冇晒…所以就揀咗呢個橙香十足嘅香橙卷，口感彈牙唔算好甜👍🏻
૪飲品-Bubble Colada
呢杯cocktail賣相超吸睛，空氣感十足嘅泡泡係冷氣底下，吹到跳舞，而飲用方法係用匙羹𢳂，味道有椰子、斑蘭香同菠蘿嘅甜，仲有幾粒軟糯椰子糖食😉
૪ 飲品-Sexy Mama
呢杯係無酒精飲品，頂層有半個熱情果殼加粒車厘茄作點綴，用咗新鮮熱情果汁，加上菠蘿汁、雪碧同冰火龍果整成，味道清爽酸甜🤓
∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
Post
