今次叫咗個火焰牛扒二人餐 $688
🥗前菜有個凱撒沙律同羅宋湯，沙津份量兩個人剛剛好，味道清新，加埋啲芝士片，鹹鹹甜甜。羅宋湯味道唔辣，酸酸地，好開胃。
🥩干邑火焰牛扒 - 平鐵牛扒8安士
主菜係個火焰牛扒，侍應會加啲酒，再點火燒，都燒足成分鐘㗎，有得食又有得睇，仲好好影添！牛扒既牛味好香，唔洗落燒汁都好夠味。我地叫左7成熟，但都一啲都唔韌。8安士既份量2個女仔好足夠啦！
🍝意大利煙豬面頰肉卡邦尼意粉
卡邦尼意粉既蛋味好濃，口感偏重，意粉嘅軟硬度適中。豬面頰肉煎得好香，比一般落煙肉厚身，更加有口感，好食！
