大家樂 (中港城)

Open Now

Now Closed

朝早下個中港城諗住食個早餐。周圍又冇乜餐廳又好評，所以嚟咗大家樂。嗌咗個$33特價餐有菠蘿油同火腿扭紋粉，見佢預備嘅時候將個菠蘿包擺咗落微波爐都心知不妙。出到嚟個菠蘿包我懷疑係隔夜嘅，面嗰陣菠蘿皮變咗糊狀，（大家如果買過菠蘿包擺過夜都知道我講咩）經微波爐叮完之後個包硬過紙皮入邊啲水份冇晒。下次都係唔好嗌特價餐。成個餐得個烚蛋係正常。熱檸茶用紙杯上，而家唔係興環保嘅咩？檸檬仲要勁細塊。可能位置比較偏僻，所以餐廳冇乜人坐得舒服嘅。另外餐具都算洗得比較乾淨。