菠蘿冰室 (Closed)

放工經過呢間菠蘿冰室，相比其他冰室或者茶餐廳，菠蘿冰室既裝修都幾特別幾搶眼，好有summer feel，所以就揀左係度食dinner！我地嗌左個西冷鐵板餐配意粉、鐵板肉絲炒麵、奶茶雪糕奶茶，男朋友嗌左奶蛋水佢話呢個好少見，想試下係點西冷鐵板都維持到一般港式扒房既水準喎！而且仲平過出面！佢個意粉出奇地好食哈哈！可能係個汁做得好！鐵板肉絲炒麵好特別，第一次見鐵板上，炒麵脆卜卜好正呀！奶茶雪糕奶茶個奶茶底做得好好！佢加埋個雪糕都可以令到個甜度岩岩好，講緊係我平時飲緊少甜，低飲呢杯都岩我口味！個雪糕係好濃奶茶味，嗌一杯野飲可以當埋甜品食奶水蛋，第一次見咋！輕輕咁咪左一啖，好甜！應該係溝左花奶？另外見佢啲下午茶好抵食！係附近番工既朋友可以試下喎！