薄餅怪獸

Open Now

Now Closed

啱啱收工見肚餓就同左我同事去食呢間！! 位於土瓜灣嘅薄餅怪獸！！一入去見到裝修同環境非常舒服！好多打卡位置👍🏻因為我地最近減肥所以就係咁以叫咗少少野頂下肚！聽聞呢度最出名嘅就係佢哋嘅手工Pizza😼雖然有啲太肥但係都唔緊要啦，佢哋有唔同大細嘅Pizza我哋就叫咗個細嘅Pizza同埋一啲蔬菜！我個人就好鍾意食綠色嘅植物嘅！咁啱呢度又有沙律，仲有我最鍾意食嘅西蘭花🥦我哋就叫咗個芝士西蘭花，仲有個烤雞沙律，最後就係夏威夷心形Pizza❤️簡直係減肥嘅最佳選擇！！唔好睇個Pizza細細個咁Pizza底十分厚身鬆脆！非常有咬口！外脆內軟！個芝士焗西蘭花超級重芝士味！西蘭花新鮮又健康不愧為減肥嘅最佳好選擇！但係配搭埋芝士就非常邪惡🤣最後就係原件烤雞沙律！大大嘅雞髀加埋芝麻醬沙律！真係令減肥者又愛又恨！夜晚晚又唔想食得太飽！又唔想食得太肥！沙律真係幫到你👍🏻最後仲有一杯奶茶同埋檸水都唔差~天氣熱真係啱晒！