23
5
1
Level1
3
0
2018-03-29 401 views
大家都經歷過糧尾嘅日子, 剛好喺兩個月之前一個好凍嘅朝頭早, 仲有一日先至出糧,所以我只係帶咗身上僅餘嘅20蚊出街。搭完西鐵 ,喺元朗X記我買咗兩個價值七蚊嘅菜肉包做早餐。 由於太過肚餓,我一路行一路食,食完第一個包跟手咬第二個嗰陣…… 我聞到有一陣薄荷味喺我個口度 縈繞著。 我嘗試抆開個包,結果見到個包居住有拉絲?!?!望真啲居然係一粒相信係比人𡁻過既香口膠,周圍重要有黑色一點點嘅野喺上便……我望住個包當堂必咗啲眼水出嚟, 雖然我預咗夜晚都係返屋企煮公仔麵,但係餐早餐你都唔洗咁玩我嫁!!‌我即刻打左去食環度投訴,重有人即日就收左我個包去化驗。期間我有打過去問化驗報告出咗未,得到嘅回覆係「過年所以會遲啲」…好!我等。3月頭嗰陣時打畀佢,佢同我講,「政府化驗所好多case,要多啲時間先至有,三月尾有架喇。」好,我又等……今日終於忍唔住再打去,衛生督察鄭生佢終於答我化驗報告出咗。 話報告上面寫著 「化驗到有香口膠成分」。 咁我問佢係唔係要告嗰間嘢,佢話唔係,原因係唔夠證據…… 我問佢菜肉包入面有香口膠唔係證據係咩嘢?然後佢同我打官腔話要研究。佢重自己爆响口提到有半年起訴期限……呢件事上我認
Read full review
大家都經歷過糧尾嘅日子, 剛好喺兩個月之前一個好凍嘅朝頭早, 仲有一日先至出糧,所以我只係帶咗身上僅餘嘅20蚊出街。
搭完西鐵 ,喺元朗X記我買咗兩個價值七蚊嘅菜肉包做早餐。 由於太過肚餓,我一路行一路食,食完第一個包跟手咬第二個嗰陣…… 我聞到有一陣薄荷味喺我個口度 縈繞著。 我嘗試抆開個包,結果見到個包居住有拉絲?!?!
望真啲居然係一粒相信係比人𡁻過既香口膠,周圍重要有黑色一點點嘅野喺上便……
我望住個包當堂必咗啲眼水出嚟, 雖然我預咗夜晚都係返屋企煮公仔麵,但係餐早餐你都唔洗咁玩我嫁!!
‌我即刻打左去食環度投訴,重有人即日就收左我個包去化驗。
期間我有打過去問化驗報告出咗未,得到嘅回覆係「過年所以會遲啲」…好!我等。
3月頭嗰陣時打畀佢,佢同我講,「政府化驗所好多case,要多啲時間先至有,三月尾有架喇。」好,我又等……
今日終於忍唔住再打去,衛生督察鄭生佢終於答我化驗報告出咗。 話報告上面寫著 「化驗到有香口膠成分」。 咁我問佢係唔係要告嗰間嘢,佢話唔係,原因係唔夠證據…… 我問佢菜肉包入面有香口膠唔係證據係咩嘢?然後佢同我打官腔話要研究。佢重自己爆响口提到有半年起訴期限……
呢件事上我認我係蠢左,我應該當日朝早就叫白車去醫院檢查,再玩大佢。其實我唔係要做啲咩,亦唔係要屈人賠錢,我只係要食環唔好不了了之件事同埋間X記同我講句對唔住姐,大家有冇咩意見可以比我?
31 views
0 likes
0 comments
23 views
0 likes
0 comments
22 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Dining Method
Dine In