瓏門冰室 (Closed)

向來都鐘意去冰室，今日食飯時候見呢度唔使點排隊，又幾多選擇就入咗嚟。如果係午飯時間就一定叫奶茶咖啡㗎啦，除此之外，飲品都幾多選擇。同朋友一人點左一杯野飲，估唔到冰室都有3.6牛乳喎。朋友叫嘅綠茶鮮奶都好好味，奶味香濃，綠茶可以重少少。跟餐嘅餐湯係忌廉粟米湯，味道比較鹹。我哋今次揀嘅比較少見嘅菜式。呢個芝士黑松露蘑菇玉子燒配意粉都幾特別。切開裏面好香黑松露味，見到啲玉子燒一層層，蛋味香濃，而且好滑，煎得好靚。雖然個意粉睇落乾乾地，配埋玉子燒食啱啱好。帶子都好新鮮，味道鮮甜。重頭戲就係至尊海鮮鐵板餐。海鮮有青口，魷魚圈，蝦球，帶子，同埋龍利柳。除咗魷魚比較少之外，其他都相當鮮味，$90來講都算唔錯。海鮮鐵板配龍蝦汁就最夾，用嚟點薯條都好好食。鐵板好夠熱，除咗另到啲薯條都煎到金黃色之外，食到最尾都保持到溫度。